ब्रेकिंग

महाराष्ट्र

अभिनेता दिनो मोरियाची सहा तास चौकशी

Samruddhi Dhayagude
03 Oct 2026

मिठी नदीतील गाळ उपसा प्रकरण

मुंबई : मिठी नदीतील गाळ उपसा प्रकरणात अभिनेता दिनो मोरिया याची मुंबई आर्थिक गुन्हे अन्वेषण विभागाने शुक्रवारी तब्बल सहा तास चौकशी केली. मोरियाला अधिक चौकशीसाठी मुंबई पोलिस आयुक्तालयात नेण्यात आल्यानंतर अटकेची अफवा पसरली होती. मात्र, सायंकाळी तो बाहेर पडताना दिसला. याच प्रकरणात मोरिया आणि त्याचा भाऊ सँटिनो रोको मोरिया यांची मे २०२५ मध्ये चौकशी करण्यात आली होती. मिठी नदीच्या गाळ उपसा प्रकल्पातील ६५.५४ कोटींच्या गैरव्यवहारांची चौकशीसाठी एसआयटी स्थापन झाली होती. एसआयटीने केतन कदमसह १३ जणांवर गुन्हे दाखल केले होते. यात मोरिया याचेही नाव समोर आले होते. मध्यंतरी, मोरिया याला समन्स बजावून त्याचा जबाब नोंदवण्यात आला होता. काल त्याला पुन्हा एकदा चौकशीसाठी बोलावण्यात आले होते. याच प्रकरणात केतनला ७ मे रोजी अटक करण्यात आली होती. सहा वर्षांपूर्वीच्या आणि सध्या पुन्हा चर्चेत असलेल्या दिशा सालियन मृत्यू प्रकरणामध्येही मोरिया याच्यावर आरोप झाले आहेत.