ब्रेकिंग

क्रीडा

सुवर्णपदकासाठी भारत-पाकिस्तानमध्ये आज लढत

Samruddhi Dhayagude
03 Oct 2026

निशिन : आशियाई स्पर्धेत क्रिकेटमधील सर्वांत मोठी लढत निश्चित झाली आहे. पुरुषांच्या सुवर्णपदकाच्या सामन्यात आज (शनिवारी) भारत आणि पाकिस्तान आमनेसामने येणार आहेत. सामना सकाळी १० वाजता सुरू होईल, तर नाणेफेक सकाळी ९.३० वाजता होणार आहे.

दोन्ही संघांनी गुरुवारी आपापल्या उपांत्य सामन्यात शानदार विजय मिळवत अंतिम फेरी गाठली. भारताने श्रीलंकेचा १२४ धावांनी, तर पाकिस्तानने पावसामुळे १३ षटकांच्या करण्यात आलेल्या सामन्यात बांगलादेशचा सहा गडी राखून पराभव केला. भारताने श्रीलंकेचा १२४ धावांनी धुव्वा उडवला होता. भारताने प्रथम फलंदाजी करताना २० षटकांत १६९/७ धावा केल्या. आव्हानात्मक खेळपट्टीवर ईशान किशनने नाबाद ८० धावांची शानदार खेळी करत भारताला मजबूत धावसंख्या उभारून दिली. वैभव सूर्यवंशीनेही ३८ धावांचे योगदान दिले. त्यानंतर भारतीय गोलंदाजांनी श्रीलंकेच्या फलंदाजीची वाताहत केली. जसप्रीत बुमराह, अक्षर पटेल आणि अभिषेक शर्मा यांनी प्रत्येकी दोन गडी बाद केले. श्रीलंकेचा डाव अवघ्या ४५ धावांत आटोपला. भारताने १२४ धावांनी विजय मिळवत अंतिम फेरी गाठली.दुसर्‍या उपांत्य सामन्यात पावसामुळे पाकिस्तान-बांगलादेश सामना १३-१३ षटकांचा करण्यात आला. पाकिस्तानने सहा गडी राखून विजय मिळवत अंतिम फेरीत प्रवेश केला. टी-२० क्रिकेटमध्ये भारताचे वर्चस्व राहिले आहे.