ब्रेकिंग

क्रीडा

नीरू समारोप सोहळ्यात भारताची ध्वजवाहक

Samruddhi Dhayagude
03 Oct 2026

नागोया : ट्रॅप नेमबाज नीरू धांडा रविवारी होणार्‍या आशियाई स्पर्धेच्या समारोप सोहळ्यात भारताची महिला ध्वजवाहक असेल. नीरूने या स्पर्धेत दोन सुवर्णपदके आणि एक सांघिक रौप्यपदक जिंकत शानदार कामगिरी केली आहे. २७ वर्षीय नीरू तिसरे पदक जिंकल्यानंतर दुसर्‍याच दिवशी भारतात परतली होती. आता समारोप सोहळ्यासाठी भारतीय पथकाचे नेतृत्व करण्यासाठी ती शनिवारी सकाळी नागोयाला परतणार आहे.

पुरुष ध्वजवाहकाचा निर्णय शनिवारी

भारताच्या उप मिशन प्रमुख अंजली भागवत यांनी शुक्रवारी सांगितले, की नीरू समारोप सोहळ्यात महिला ध्वजवाहक असेल. ती शनिवारी सकाळी नागोयाला परतणार आहे. पुरुष ध्वजवाहकाबाबतचा निर्णय शनिवारी घेतला जाईल.