ब्रेकिंग

देश

महिलांसाठी मोफत बस प्रवास योजनेचा तामिळनाडूत विस्तार

Samruddhi Dhayagude
02 Oct 2026

चेन्नई : तामिळनाडूत महिलांसाठी मोफत बस प्रवास योजनेचा विस्तार मुख्यमंत्री विजय यांनी शुक्रवारी केला. त्या अंतर्गत ’वेत्री पयनम’ योजनेअंतर्गत महिलांना मोफत प्रवास करण्याची सुविधा देण्यात आली. महात्मा गांधी यांच्या जयंतीनिमित्त हा उपक्रम सुरू करण्यात आला.

सुमारे ८४ लाख महिला प्रत्येक दिवशी या योजनेचा लाभ घेणार आहेत. ड्युलेक्स आणि एक्स्प्रेस श्रेणीतील बससेवांचा आता समावेश केला आहे. लाभ घेण्यासाठी प्राप्तीची कोणतीही मर्यादा निश्चित केलेली नाही. तसेच दिवसभरात अमूक फेर्‍यांचे बंधनही घातलेले नाही. सत्ताधारी टीव्हीके पक्षाने कल्याणकारी योजनेचे नामकरण तमिलगा वेत्री कळघम याचा अर्थ महिलांसाठी विजयी प्रवास (वेत्री पयनम) असे आहे. त्या अंतर्गत राज्य परिवहन महामंडळाच्या १२ हजार ६९५ बस सेवेसाठी असून त्याद्वारे दिवसाला ८३ लाख ३२ महिलांना प्रवास करता येणार आहे. सेवेच्या उद्घाटन प्रसंगी मुख्यमंत्री विजय यांच्या हस्ते महिलांना मोफत बस प्रवासाची तिकिटे देण्यात आली. त्याद्वारे योजना सुरू झाल्याचे स्पष्ट झाले.

परिवहन मंत्री ए विजय तामिलन प्रथिबान यांनी सांगितले की, शिक्षण, रोजगार, उपजीविका आणि आर्थिक सक्षमीकरण; तसेच प्रवासाचा खर्च त्यांच्या प्रगतीत अडथळा ठरणार नाही याची सुनिश्चित करणार्‍या महिलांना होणार आहे. महिलांना मदत करून सामाजिक परिवर्तनाचे पाऊल सरकारने योजनेचा विस्तार करून आता केले आहे. महिला आता घराबाहेर स्वतंत्रपणे पडून आपली प्रगती करू शकतात. ही बाब राज्याच्या प्रगतीला पोषक ठरणार आहे. महिलांना एकही पैसा तिकिटासाठी खर्च करावा लागणार नाही. त्यामुळे त्यांच्या सशक्तीकरणाला आणि त्यांना समााजिक न्याय देण्यासाठी तो उपयुक्त ठरणार आहे. योजनेचा अधिक विस्तार करून विविध श्रेणीत महिलांना प्रवास करण्याची संधी दिली आहे. त्यामध्ये एक्स्प्रेस, ड्युलेक्स, मोफ्युसील ऑर्डनरी आणि काही घाटांतील सेवांचा समावेश आहे.