ब्रेकिंग

देश

एसआयआरच्या नावाखाली ४५ लाख नावे हटविण्याचे कारस्थान

Samruddhi Dhayagude
02 Oct 2026

कर्नाटकाच्या मुख्यमंत्र्यांचा आरोप

बंगळुरु : कर्नाटकाचे मुख्यमंत्री डी. के. शिवकुमार यांनी मतदारांच्या विशेष तीव्र पडताळणी (एसआयआर) मोहिमेच्या नावाखाली ४५ लाख मतदारांची नावे यादीतून हटविण्याचे कारस्थान सुरू असल्याचा आरोप करत येथील निवडणूक अधिकारी कार्यालयात मंत्र्यांसमवेत बेमुदत धरणे आंदोलन सुरू केले.

एसआयआरच्या नावाखाली मतदारयादीतून मोठ्या संख्येने मतदारांची नावे वगळण्यासाठी काही व्यक्तींकडून अनेक अर्ज दाखल केले जात असल्याचा आरोपही शिवकुमार यांनी केला. हे मोठे कारस्थान असून, मतदारांची घोर फसवणूक सुरू असल्याचे शिवकुमार यांनी तत्पूर्वी पत्रकार परिषदेत बोलताना सांगितले. तसेच, भाजपवर मतदार यादीतून अल्पसंख्याक, दलित आणि अनुसूचित जमातीच्या मतदारांची नावे वगळण्याच्या आरोप केला. मुख्य निवडणूक आयुक्त ज्ञानेश कुमार यांच्या माहितीशिवाय मतदारांची नावे बेकायदेशीरपणे वगळली जाणे अशक्य आहे, असा दावाही त्यांनी केला. भाजप आणि जनता दलाच्या नेत्यांचे यात मोठे कारस्थान आहे, असा आरोपही त्यांनी केला.पात्र मतदारांची नावे वगळण्यासाठी मोठ्या प्रमाणावर ’फॉर्म-७’ दाखल केले जात असून, ४५ लाखांहून अधिक मतदारांच्या बाबतीत यादीत विसंगती असल्याचे दिसून आले आहे. ’फॉर्म-७’ हा मतदारयादीतील नाव समाविष्ट करण्याबाबत किंवा वगळण्याबाबत आक्षेप नोंदवण्यासाठीचा अर्ज आहे.