ब्रेकिंग

देश

यासिन मलिकवर आरोप निश्चित करण्याचे आदेश

Samruddhi Dhayagude
02 Oct 2026

नवी दिल्ली : ’जम्मू-काश्मीर लिबरेशन फ्रंट’चा (जेकेएलएफ) प्रमुख यासिन मलिक आणि इतर सहा जणांविरुद्ध आर्थिक गैरव्यवहार प्रतिबंधक कायद्यांतर्गत (पीएमएलए) आरोप निश्चित करण्याचे आदेश येथील न्यायालयाने दिले आहेत.

हे प्रकरण हवालाद्वारे पाकिस्तानातून निधी मिळविल्याशी संबंधित असल्याचा संशय अंमलबजावणी संचालनालयाला (ईडी) आहे. विशेष न्यायाधीश प्रशांत शर्मा यांनी ९ सप्टेंबर रोजी मलिक आणि इतरांविरुद्ध पीएमएलएच्या कलम ३ आणि कलम ४ अंतर्गत आरोप निश्चित करण्याचे आदेश दिले. या सातही आरोपींविरुद्ध प्रथमदर्शनी प्रबळ संशय असल्याचे न्यायालयाने नमूद केले. इतर आरोपींमध्ये जहूर अहमद शाह वताली, अब्दुल रशीद शेख, शब्बीर अहमद शाह, नवल किशोर कपूर, मसरत आलम भट आणि ’ट्रायसन फ्रेम्स अँड कन्स्ट्रक्शन प्रायव्हेट लिमिटेड’ यांचा समावेश आहे.या प्रकरणात पुढील सुनावणी ३० ऑक्टोबर रोजी होणार आहे. २०१७ मधील एका प्रकरणाचा तपास करताना हे प्रकरण समोर आले असल्याचे ईडीने सांगितले.