ब्रेकिंग

क्रीडा

कंपाउंड तिरंदाजीत गणेशला कांस्य

Samruddhi Dhayagude
02 Oct 2026

नागोया : भारतीय कंपाउंड तिरंदाज गणेश मणि रत्नम थिरुमुरु याने आशियाई क्रीडा स्पर्धेत पुरुषांच्या वैयक्तिक प्रकारात कांस्यपदक जिंकले. उपांत्य फेरीत दक्षिण कोरियाच्या किम जोंगहोविरुद्ध १४४-१४८ असा पराभव झाल्यानंतर गणेशने कांस्यपदकाच्या लढतीत व्हिएतनामच्या कोंग डुक डांगचा १४९-१४४ असा पराभव केला.

२० वर्षीय गणेशने कांस्यपदकाच्या लढतीत १५ पैकी १४ बाण १० गुणांच्या लक्ष्यावर साधले. उपांत्यपूर्व फेरीत त्याने चायनीज तैपेईच्या चिह लुन चेनवर १४८-१३८ अशी मात केली होती. दरम्यान, महिला कंपाउंड प्रकारात चिकिथा तनीपार्थीचे पदक थोडक्यात हुकले. महिला सांघिक आणि मिश्र सांघिक प्रकारात सुवर्णपदक जिंकल्यानंतर वैयक्तिक प्रकारातही पदकाची अपेक्षा होती. मात्र, उपांत्यपूर्व फेरीत इंडोनेशियाच्या नुरिसा दियान अशरीफाहने चिकिथाचा १४४-१४३ असा पराभव केला. निर्णायक पाचव्या सेटच्या पहिल्याच बाणावर चिकिथाने आठ गुण मिळवल्याने तिला एका गुणाने पराभव पत्करावा लागला.