ब्रेकिंग

देश

दहा किलोचे दोन सिलिंडर घ्या; तामिळनाडूत ग्राहकांवर दबाव

Samruddhi Dhayagude
01 Oct 2026

अंबुमणी रामदास यांचा आरोप

चेन्नई : नव्या गॅस सिलिंडरसाठी नोंदणी करणार्‍यांना ते दिले जात नसून दहा किलोचे दोन सिलिंडर घेण्याचा दबाव तेल आणि वायू कंपन्याकडून ग्राहकांवर टाकला जात आहे, असा आरोप पीएमकेचे नेते अंबुमणी रामदास यांनी केला.

पश्चिम आशियातील युद्धामुळे नवीन नोंदणी कंपन्या स्वीकारत नाहीत. त्या ऐवजी दहा किलोचा सिलिंडर घ्यावा, असा दबाव टाकला जात आहे. तसेच सिलिंडर २५० पट अधिक दराने खरेदी करावा लागत आहे. अत्यावश्यक सेवा पुरवण्याची जबाबदारी कंपन्यांची असताना ते नफा कमावण्यासाठी ग्राहकांवर दबाव टाकत आहेत, असा आरोप त्यांनी केला. त्यांनी इंडियन ऑईल कंपनी, भारत पेट्रोलियम आणि हिंदुस्तान पेट्रोलियम कंपनीवर याबाबतचे आरोप केले आहेत. जूनपासून ग्राहकांचे अर्ज प्रलंबित आहेत. ९ हजार २५० रुपयांचे दहा किलोचे दोन सिलिंडर घ्या. त्यामध्ये सहा हजार रुपये सुरक्षा रक्कम असून सिलिंडरची किंमत ३ हजार २५० रुपये आहे, असेही ते म्हणाले.