ब्रेकिंग

क्रीडा

कुस्तीमध्ये भारताने पदकाचे खाते उघडले

Wrutuja pandharpure
01 Oct 2026

नागोया: सुनील कुमारने आशियाई क्रीडा स्पर्धेतील ग्रीको-रोमन कुस्तीमध्ये दोन पदके जिंकणारा पहिला भारतीय मल्ल ठरण्याचा मान मिळवला. पुरुषांच्या ८७ किलो वजनी गटात स्पर्धेच्या पहिल्याच दिवशी बुधवारी सुनीलने फिलिपिन्सच्या कॅलम रॉबर्टस् जॉनस्टनचा तांत्रिक वर्चस्वाच्या आधारावर पराभव करत कांस्यपदक पटकावले. सुनीलने प्रतिस्पर्ध्याचा उजवा हात पकडून त्याला चितपट करत ४-० अशी आघाडी घेतली. बचावात्मक पवित्रा घेतलेल्या जॉनस्टनला ‘पार टेरे’ स्थितीतून मॅटवर खाली पाडत सुनीलने गुण मिळवला आणि पहिल्याच फेरीत तांत्रिक वर्चस्वाने सामना जिंकला. सुनीलने हांगझोऊ येथे झालेल्या २०२३ च्या आशियाई क्रीडा स्पर्धेतही कांस्यपदक जिंकले होते. त्यामुळे ग्रीको-रोमन कुस्तीमध्ये भारताचा १३ वर्षांचा पदकांचा दुष्काळ संपला होता. त्याआधी २०१०च्या ग्वांगझू आशियाई क्रीडा स्पर्धेत रविंदर सिंह आणि सुनील कुमार यांनी कांस्यपदक जिंकले होते.