ब्रेकिंग

विदेश

पाकिस्तानातील कारवाईत सात बंडखोर ठार

Samruddhi Dhayagude
29 Sep 2026

पेशावर : पाकिस्तानातील खैबर पख्तुनख्वा आणि बलुचिस्तान प्रांतातील कारवाईत सात बंडखोर ठार झाले. गुप्तचरांच्या मदतीने विविध ठिकाणी आक्रमक हल्ले सुरक्षा दलांनी केले. त्यात तेहरीक एक तालीबान पाकिस्तानचे (टीटीपी) सात सदस्य मारले गेले आहेत.

खैबर पख्तुनख्वा प्रांततील खैबर जिल्ह्यातील बारा परिसरात पाच बंडखोर तर बलुचिस्तान प्रांतातील छगाई जिल्ह्यात दोन असे ए़कूण सात बंडखोर मारले गेल्याचे सूत्रांनी सांगितले. बारा परिसरासह विविध ठिकाणी केलेल्या कारवाईत मोठा शस्त्र आणि दारुगोळा साठा जप्त करण्यात आला. तसेच बंडखोरांची लपण्याची ठिकाणे नष्ट केली. दोन दिवसांपूर्वी बलुचिस्तान आणि शबान परिसरातील कारवाईत ७१ बंडखोरांना ठार केल्यानंतरची ही दुसरी मोठी कारवाई होती. २० सप्टेंबरला खैबर पख्तुनख्वात आठ बंडखोर आणि दोन सैनिक ठार झाले होते.

ऑगस्टमध्ये ३४८ नागरिकांचा बळी

पाकिस्तानच्या संघर्ष आणि सुरक्षा अभ्यास संस्थेने सांगितले की, ऑगस्टमध्ये देशभरातील दहशतवादी हल्ल्यात ३७८ नागरिकांचा बळी गेला. तसेच २०३ बंडखोर आणि ५४ सैनिक ठार झाले. खैबर पख्तुनख्वानंतर बलुचिस्तान प्रांताला बंडखोरांच्या हल्ल्याची धग अधिक बसल्याचेही स्पष्ट केले.