ब्रेकिंग

देश

लिफाफ्यावरुन आयोगाला उच्च न्यायालयाचा सवाल

Samruddhi Dhayagude
29 Sep 2026

नवी दिल्ली : इंडियन सेक्यूलर फ्रंट (आयएसएफ) चे लिफाफा हे चिन्ह निवडणूक आयोगाने अन्य एका पक्षाला दिले आहे. या निर्णयास आयएसएफने कोलकाता उच्च न्यायालयात आव्हान दिले आहे. त्यावरील सुनावणीत सबंधित अधिकार्‍यास न्यायालयासमोर उपस्थित राहण्याचे निर्देशन न्यायालयाने दिले आहे. तसेच, निवडणूक आयोग आणि नव्याने स्थापन झालेला पक्ष यांचे साटेलोटे आहे का? असा सवालही न्यायालयाने उपस्थित केला.

न्यायमूर्ती कृष्ण राव यांच्यासमोर याबाबतचा अर्ज सुनावणीसाठी आहे. लिफाफा चिन्हासाठी आयएसएफचा अर्ज प्रलंबित असतानाही आयोगाने त्याचा विचार का केला नाही, असा सवाल न्यायालयाने केला. त्यावर, चिन्हांचे वाटप करणे हा आयोगाचा अधिकार असून, डीटीसीला लिफाफा आणि आयएसएफला कपाट चिन्ह देण्याचा निर्णय कायद्यानुसारच झाला असल्याचा युक्तिवाद निवडणूक आयोगाच्या वकिलांनी केला. विवेकाधिकाराचा वापर तर्कसंगत केला गेला पाहिजे, तो एखाद्या हुकूमशहाप्रमाणे नसावा, असा युक्तिवाद अर्जदाराचे वकील विकास रंजन यांनी केला.