ब्रेकिंग

देश

बालकांना सोन्याची अंगठी देऊन विजय बनले ‘मामा’

Samruddhi Dhayagude
29 Sep 2026

चेन्नई : तामिळनाडूत नवजात बालकांना सोन्याची अंगठी देण्याची योजना सोमवारपासून सुरू झाली आहे. या योजनेला मुख्यमंत्री विजय यांच्या हस्ते प्रारंभ झाला आहे. या उपक्रमामुळे विजय हे बालकांचे आता मामा बनले आहेत.

विधानसभा निवडणुकीत सत्ता आल्यास अशी योजना सुरू करण्याचे आश्वासन टीव्हीकेचे नेते आणि मुख्यमंत्री विजय यांनी केले होते. त्यानुसार कालपासून ’२२-कॅरेट एक-ग्रॅम सोन्याची अंगठी’ देणारी योजना सुरू केली. मामाकडून सुवर्ण अंगठी योजना’ (थाईमामन थंगा मोथिरम थिट्टम) सुरू केली. येथील सरकारी राजाजी रुग्णालयात या योजनेला सुरुवात करताना, विजय यांनी बालकांना कडेवर घेतले होेते. त्यांना सोन्याच्या अंगठ्या भेट दिल्या. योजनेसाठी सरकारने ७५५.८३ कोटी रुपयांची तरतूद केली आहे. मातृत्वाचा सन्मान करणे, महिलांच्या आरोग्याला चालना देणे आणि कुटुंबांना सार्वजनिक आरोग्यसेवेकडे आकर्षित करून संस्थात्मक प्रसूतीला प्रोत्साहन देणे हा योजनेचा उद्देश आहे. सरकारी रुग्णालयांमध्ये जन्मलेल्या आणि स्थानिक मातांच्या मुलांना अंगठ्या देण्याच्या या कार्यक्रमाच्या सुरुवातीच्या टप्प्यासाठी राज्य सरकारने आधीच १.२८ लाख सोन्याच्या अंगठ्यांची खरेदी केली आहे. ही योजना २२ जून २०२६ रोजी किंवा त्यानंतर जन्मलेल्या पात्र बालकांसाठी लागू असेल.