ब्रेकिंग

क्रीडा

डब्ल्यूपीएल लिलावापूर्वी आरसीबीचा मोठा निर्णय; ग्रेस हॅरिससह चार खेळाडू मुक्त

Samruddhi Dhayagude
29 Sep 2026

नवी दिल्ली : २०२७च्या महिला प्रीमियर लीगच्या (डब्ल्यूपीएल) लिलावापूर्वी गतविजेत्या रॉयल चॅलेंजर्स बंगळुरूने ऑस्ट्रेलियाची आक्रमक फलंदाज ग्रेस हॅरिसला संघातून मुक्त केले आहे. बीसीसीआयची खेळाडू कायम ठेवण्याची अंतिम मुदत सोमवारी संपली. आरसीबीने हॅरिससह डी. हेमलता, गौतमी नाईक आणि लिन्सी स्मिथ यांनाही रिलीज केले आहे.

बीसीसीआयच्या माहितीनुसार, आगामी लिलावापूर्वी पाच संघांमध्ये एकूण २७ जागा रिक्त आहेत. त्यापैकी सात जागा परदेशी खेळाडूंसाठी आहेत. २०२७चा डब्ल्यूपीएल लिलाव २८ ऑक्टोबरला कोची येथे होणार आहे. आगामी हंगामाची सुरुवात १४ जानेवारीपासून होणार आहे.

दरम्यान, ऑस्ट्रेलियाची स्टार अष्टपैलू एलिस पेरी पुढील हंगामासाठी उपलब्ध झाली आहे. तिचा आरसीबीने कायम ठेवलेल्या खेळाडूंमध्ये समावेश केला आहे. स्मृती मानधना, रिचा घोष, श्रेयंका पाटील, राधा यादव आणि पूजा वस्त्राकर यांसारख्या प्रमुख भारतीय खेळाडूंनाही संघाने कायम ठेवले आहे.