ब्रेकिंग

देश

‘कॉक्रोच’चे आशुतोष रांका यांना आसाम पोलिसांनी घेतले ताब्यात

Samruddhi Dhayagude
28 Sep 2026

गुवाहाटी : कॉक्रोच जनता पार्टीचे (सीजेपी) सह-संयोजक आशुतोष रांका आणि त्यांच्या अनेक समर्थकांना आसामच्या पोलिसांनी ताब्यात घेतल्याचा दावा सीजेपीचे संस्थापक अभिजीत दिपके यांनी रविववारी केला.

एका छोट्या बैठकीपूर्वीच पोलिसांनी त्यांना ताब्यात घेतले असून अनोळखी ठिकाणी नेल्याचे दिपके यांनी सांगितले. रांका शनिवारी गुवाहाटीला पोहोचले होते. ते काही समर्थकांना भेटणार होते. मात्र, त्यांना बैठक घेण्यापासून रोखण्यात आल्याचा दावा दिपके यांनी केला.

रांका यांच्या एक्स खात्यावर एक चित्रफीत टाकली आहे. यात ते पोलिसांसोबत एका वाहनात बसलेले दिसत आहेत आणि असे सांगत आहेत की, मुख्यमंत्री हिमंता बिस्वा सरमा यांनी त्यांना आणि कार्यकर्त्यांना ताब्यात घेतले आहे. पक्षातर्फे आसामममधील शाळांची परिस्थिती नागरिकांसमोर उघड होईल, या भीतीने आम्हाला ताब्यात घेतले आहे.