ब्रेकिंग

देश

भाजपच्या प्रदेश शाखांमध्ये वाढला संघ कार्यकर्त्यांचा प्रभाव

Samruddhi Dhayagude
28 Sep 2026

नवी दिल्ली : भाजपने विविध राज्यांमधील पक्ष संघटनेतील रिकामी पदे भरण्यास सुरुवात केली आहे. यामध्ये राष्ट्रीय स्वयंसेवक संघातील कार्यकर्त्यांना महत्त्वाच्या जबाबदार्‍या देण्यात आल्या आहेत. त्यामुळे भाजपच्या प्रदेश शाखांमध्ये संघ कार्यकर्त्यांचा प्रभाव वाढत असल्याचे चित्र आहे.

भाजपचे राष्ट्रीय अध्यक्ष नितीन नबीन यांनी २४ संघटनात्मक नियुक्त्या जाहीर केल्या आहेत. यामध्ये राज्य सरचिटणी, संयुक्त सरचिटणीस यांसह विविध पदांचा समावेश आहे. नवीन चेहर्‍यांना सामावून घेण्याऐवजी, आधीपासूनच भाजपच्या संघटनात्मक यंत्रणेत काम करणार्‍या आणि अनुभव असलेल्या संघ कार्यकर्त्यांवरच मोठी मदार ठेवण्यात आली आहे. राज्य सरचिटणीस हे पद अनेकदा संघाच्या पूर्णवेळ कार्यकर्त्यांकडे दिले जाते. त्यामुळे या नियुक्त्यांमधून भाजप आणि संघामधील समन्वयाला महत्त्व दिले जात असल्याचे दिसते. शिवप्रकाश यांच्याकडे महाराष्ट्रासह आंध्र प्रदेश, मध्य प्रदेश, छत्तीसगढ आणि गोव्याची जबाबदारी देण्यात आली आहे. सौदान सिंह यांच्याकडे बिहार, झारखंड, ओडिशा आणि पश्चिम बंगालची जबाबदारी सोपवण्यात आली आहे.