ब्रेकिंग

क्रीडा

रायफल थ्री पोझिशनच्या सांघिक प्रकारात रौप्य

Samruddhi Dhayagude
27 Sep 2026

आयची-नागोया : आशियाई क्रीडा स्पर्धा २०२६ मध्ये महिलांच्या ५० मीटर रायफल थ्री पोझिशनच्या सांघिक प्रकारात तिलोत्तमा सेन, विदर्सा विनोद कोचलुमकल आणि आशी चौकसे यांच्या भारतीय संघाने रौप्यपदक पटकावले. भारताने पात्रता फेरीत १७६३ गुण मिळवले. चीनने १७७३ गुणांसह सुवर्ण, तर कझाकस्तानने १७५४ गुणांसह कांस्यपदक जिंकले.

तिलोत्तमाने सातत्यपूर्ण कामगिरी करत ५९० गुणांसह तिसरे स्थान मिळवून वैयक्तिक अंतिम फेरी गाठली. विदर्सानेही शानदार पुनरागमन करत ५८८ गुणांसह सहावे स्थान मिळवले आणि अंतिम फेरीत प्रवेश केला. नीलिंग, प्रोन आणि स्टँडिंग या तिन्ही प्रकारांत प्रत्येकी २० शॉट्सचा समावेश होता.

आशीला स्टँडिंग फेरीत अपेक्षित कामगिरी करता न आल्याने वैयक्तिक अंतिम फेरी गाठता आली नाही. ती ५८५ गुणांसह १५ व्या स्थानी राहिली. मात्र, सांघिक रौप्यपदकाच्या कामगिरीत तिचे योगदान महत्त्वाचे ठरले. वैयक्तिक पात्रतेत चीनच्या हान जियायूने ५९४ गुणांसह अव्वल स्थान मिळवले.