ब्रेकिंग

देश

पेट्रोलच्या पावतीवर इथेनॉलचे प्रमाण द्या

Samruddhi Dhayagude
01 Sep 2026

न्यायालयाने फेटाळला अर्ज

नवी दिल्ली : पेट्रोल पंपांना इंधनातील इथेनॉलचे प्रमाण जाहीर करण्याचे आणि प्रत्येक बिलावर त्याची नोंद करण्याचे निर्देश देण्याची मागणी करणारा जनहित अर्ज सर्वोच्च न्यायालयाने सोमवारी फेटाळून लावला. पेट्रोलच्या पावत्यांवर इथेनॉलच्या प्रमाणाचा उल्लेख आणि ते प्रमाण एकसमान पद्धतीने असावे, या संदर्भातील निर्देश केंद्र सरकार आणि इतरांना द्यावेत, अशी मागणी अर्जदार नरेंद्र कुमार गोस्वामी यांनी केली होती. न्यायमूर्ती एम.एम. सुंदरेश आणि न्यायमूर्ती पी.बी. वराळे यांच्या पीठासमोर हा अर्ज सुनावणीसाठी होता. कलम ३२ (सर्वोच्च न्यायालयात थेट दाद मागण्याचा अधिकार) अंतर्गत हा अर्ज विचारात घेतला जाणार नाही आणि अर्जदार संबंधित उच्च न्यायालयात जाऊ शकतात, असे सांगत न्यायालयाने अर्ज फेटाळून लावला.