ब्रेकिंग

क्रीडा

इंग्लंडचा 194 धावांनी विजय मालिकेत 2-0 आघाडी

Wrutuja pandharpure
01 Sep 2026

लंडन : इंग्लंडने पाकिस्तानचा लॉर्ड्स कसोटीत 194 धावांनी पराभव करत तीन सामन्यांच्या मालिकेत 2-0 अशी अजिंक्य आघाडी घेतली. 389 धावांच्या लक्ष्याचा पाठलाग करताना पाकिस्तानचा संघ चौथ्या दिवशी 194 धावांत गारद झाला.पाकिस्तानकडून सौद शकीलने सर्वाधिक 97 धावा केल्या. मात्र, ऑली रॉबिन्सनच्या प्रभावी गोलंदाजीमुळे पाकिस्तानचा प्रतिकार निष्फळ ठरला. रॉबिन्सनने दुसर्‍या डावात 4 विकेट्स घेत सामन्यात एकूण 8 बळी मिळविले आणि तो सामनावीर ठरला. पाकिस्तानला 2010 नंतर प्रथमच लॉर्ड्सवर कसोटी पराभव पत्करावा लागला. 2016 आणि 2018 मध्ये पाकिस्तानने येथे सलग दोन कसोटी सामने जिंकले होते.

14 धावांत तीन विकेट्स

पाकिस्तानची सुरुवात अत्यंत खराब झाली. अवघ्या 14 धावांत अजान अवैस, अब्दुल्ला शफीक आणि बाबर आझम बाद झाले. त्यानंतर सौद शकील आणि शान मसूद यांनी चौथ्या विकेटसाठी 97 धावांची भागीदारी करत डाव सावरला.