ब्रेकिंग

क्रीडा

फेडररचा ‘हॉल ऑफ फेम’मध्ये समावेश

Samruddhi Dhayagude
31 Aug 2026

न्यूपोर्ट : महान टेनिसपटू रॉजर फेडरर याचा शनिवारी इंटरनॅशनल टेनिस ‘हॉल अ ॉफ फेम’मध्ये समावेश करण्यात आला. या सोहळ्यादरम्यान फेडरर भावूक झाला. २० ग्रँडस्लॅम एकेरी विजेतेपद पटकावलेल्या फेडररच्या सुमारे ३० मिनिटांच्या भाषणादरम्यान अनेक वेळा अश्रू अनावर झाले.पत्नी मिर्काचा उल्लेख करताना तर फेडररला अश्रू आवरणे कठीण झाले. मिर्काच्या स्वागतपर परिचयानंतर फेडररला मंचावर आमंत्रित करण्यात आले. यावेळी विनोदाच्या शैलीत तो म्हणाला की, ‘‘मला सध्या रुमाल आणि गॉगलची गरज आहे.’’ मात्र, अश्रू रोखणे त्याच्यासाठी कठीण जात होते. ४५ वर्षीय फेडररने मंचावर येताच म्हटले, ‘‘हा क्षण खूप मोठा आहे आणि त्यानंतर बोलणे सोपे नसेल.’’ त्यानंतर त्याने पत्नी मिर्काला मिश्कीलपणे विचारले, ‘‘तुम्ही याची तयारी माझ्यापासून लपून तर केली नव्हती ना?’’

फेडररने आपल्या भाषणात बालपणीचा आदर्श स्टीफन एडबर्ग तसेच दीर्घकाळ त्याचे प्रशिक्षक राहिलेले सेवेरिन लुथी यांचीही आठवण काढली. ‘स्विस मास्ट्रो’ म्हणून प्रसिद्ध असलेल्या फेडररने आपल्या शानदार कारकीर्दीत आठ विंबल्डन, सहा ऑस्ट्रेलियन ओपन आणि एक फ्रेंच ओपन विजेतेपद पटकावले.