व्हॉट्सऍप कट्टा   

विसंवादाशी संवाद 

डार्विन गेला सांगून
प्राण्यांचा मूळधर्म
अस्तित्वासाठी संघर्ष
स्वतःचेच अस्तित्व आणि
श्रेष्ठत्व टिकवू पाहणारी बिजे काट्यात झाली आहेत रूपांतरीत 
अगदी कट्टर आणि
अधिकाधिक टोकदार 
फक्त डागण्यासाठी इतरांना
एक जगू पाहतो 
हुकूमशहा म्हणून 
मुठीत सगळे जग घेऊन 
गाजवू पाहतो हुकूमत 
कधी शब्दांचे तर कधी दुधारी नजरेचे बाण
वापरून
सुशिक्षित,सुसंस्कृत असल्याचे शहाणपण विसरून 
दुसरा हतबलतेने सारेच ऐकत राहतो
मनाविरोधी काही मनासारखे 
चेपवाचेपवीचा खेळ आजही चालू आहे सराईतपणे 
उदरनिर्वाहाच्या आणि उदरभरणाच्याही ठिकाणी जगणं असं सहज आणि बिनकष्टाचे होताना 
एवढा तर ते 
करणारच ना संघर्ष 
मालक म्हणून 
राज्य करण्यासाठी 
हे पुरेपूर पटलं आहे काहींना 
शेवटी गुलामी आमच्या रक्तातच पेरलेली आहे 
कसणारा भेटला, की छाताडावर उभा राहतोच कणखरपणे हयातभर नमविण्यासाठी 
अशा विसंवादाशी माझा संवाद चालू आहे दिवस-रात्र आणि 
शोधत आहे अनुत्तरीत प्रश्नांची उत्तरे 
समाजव्यवस्थेकडून मिळतील या आशेने कधीतरी या विस्कटत चाललेल्या नात्यांना 
भ्रष्ट होत चाललेल्या वृत्तीला 
आटत चाललेल्या झर्‍याला
फुटतील का कोंब
सुसंवादाचे?
फुलतील का मळे  माणुसकीचे?
डोलतील का राने आनंदाने?
खळाळतील का झरे घराघरातले?
चालतील का सारे समानतेच्या वाटेने 
अखिल मानवतेच्या सुखासाठी?
 
- मनिषा शिरटावले
मो.: ९२७००२०१२३

Related Articles
जर्मनीत स्फोटानंतर रेल्वे स्थानक बंद
  • 03 Sep 2026
पीसीबीच्या निर्णयांवर मिस्बाह नाराज; निवड समितीतून राजीनाम्याची तयारी
  • 02 Sep 2026
तंत्रशिक्षण अभ्यासक्रमांच्या संस्थास्तरीय फेर्‍यांसाठी निरीक्षकाची नियुक्ती होणार
  • 03 Sep 2026
‘रेज ऑफ बिलीफ’ची भांडवल उभारणी : हेतु सामाजिक, मात्र नफ्याचा उद्देश
  • 31 Aug 2026
जनतेशी थेट नाळ जोडा
  • 03 Sep 2026
सेबीचे सीएएस की तकेशीचा कॅसल?
  • 31 Aug 2026