ब्रेकिंग

देश

पंजाबमध्ये ’आप’च्या नेत्याची हत्या

Samruddhi Dhayagude
30 Aug 2026

फिरोजाबाद : पंजाबमधील आम आदमी पक्षाचे नेते गुरुप्रीत सिंग ऊर्फ गोपी यांची फिरोजबाद जिल्ह्यात गोळया झाडून हत्या करण्यात आली. चार शसस्त्र हल्लेखोरांनी त्यांच्यावर गोळीबार केल्याचे उघड होत आहे.

गुरुप्रीत सिंग (वय ४५) आणि हरप्रीत ऊर्फ हॅपी (वय २२) दुचाकीवरुन शनिवारी ममदोट नगरमधील प्रमुख बाजारपेठेतून जात होते. तेव्हा मोटारीतून आलेल्या चौघांनी त्यांच्यावर गोळीबार केला होता. सूत्रांच्या माहितीनुसार, ’आप’चे ॒ýममदोट नगर पंचायतीचे नवनियुक्त अध्यक्ष विकी मैनी हे एका वेगळ्या गाडीतून सिंग यांच्या मागोमाग येत होते. त्यांच्यावरही हल्ला झाला, मात्र ते बचावले. जखमींना तातडीने रुग्णालयात नेण्यात आले; तिथे गुरुदीप सिंग यांचा मृत्यू झाल्याचे डॉक्टरांनी जाहीर केले. हरप्रीत यांच्यावर लुधियानामधील एका खाजगी रुग्णालयात उपचार सुरू आहेत. हल्लेखोरांची ओळख पटली असून पथके त्यांना पकडण्यासाठी पाठवली आहेत, अशी माहिती पोलिस अधीक्षक भुपेंद्र सिंग यांनी दिली. महापालिकेची निवडणुकीनंतर विद्वेषातून हल्ल्याचे प्रकरण घडल्याचे दिसते. दरम्यान, गुरुप्रीत यांचे वडील बालक सिंग हे काँग्रेसचे माजी नेते असून नगर पंचायतीच्या निवडणुकीत त्यांची वहिनी निवडून आली होती.