ब्रेकिंग

विदेश

पूरग्रस्त भागात पावसाचा इशारा

Samruddhi Dhayagude
30 Aug 2026

बचावकार्यात अडथळ्याची शक्यता

काठमांडू : नेपाळच्या हवामान विभागाने शनिवारी पूरग्रस्त भागासाठी पाऊस आणि वादळाचा इशारा दिला आहे. त्यामुळे बचाव आणि मदतकार्यात अडथळा निर्माण होण्याची शक्यता आहे.

कोशी, बागमती आणि गंडकी प्रांतांमधील डोंगराळ व पर्वतीय भाग, कर्णालीचा डोंगराळ भाग आणि लुंबिनी व सुदूरपश्चिम प्रांतांमधील सखल भागात मुसळधार पावसाचा अंदाज जलविज्ञान आणि हवामान विभागाने वर्तवला आहे.

रसुवामधील पूरग्रस्त भागात बहुतेक ठिकाणी मध्यम स्वरूपाचा तर एक-दोन ठिकाणी मुसळधार पाऊस पडू शकतो, असे हवामानतज्ज्ञ हरी प्रसाद दहाल यांनी सांगितले. त्यामुळे शोध आणि बचाव कार्यावर परिणाम होण्याची शक्यता असून, खबरदारी घेणे आवश्यक आहे, असेही त्यांनी नमूद केले.

हवामान विभागाने डोंगराळ आणि पर्वतीय भागांत अनेक ठिकाणी मेघगर्जनेसह मध्यम पाऊस आणि बर्फवृष्टी होण्याची शक्यताही वर्तवली आहे. कोशी, बागमती आणि गंडकी प्रांतांमधील भाग तसेच इतर काही डोंगराळ आणि पर्वतीय क्षेत्रांत मेघगर्जनेसह पाऊस आणि बर्फवृष्टी होऊ शकते, असे विभागाने म्हटले आहे.