ब्रेकिंग

विदर्भ, मराठवाड्यात दोन दिवस पाऊस

Samruddhi Dhayagude
30 Aug 2026

पुणे : राज्यातील बहुतांश भागात कोसळणार्‍या पावसात घट झाली आहे. पुढील दोन दिवस विदर्भातील काहीज जिल्हे वगळता उर्वरित राज्यात केवळ पावसाच्या हलक्या सरी कोसळणार असल्याचा अंदाज हवामान विभागाने वर्तविला आहे. देशाच्या काही भागांमध्ये सध्या कमी दाबाच्या क्षेत्रांची स्थिती सक्रिय आहे. उत्तर प्रदेशच्या आग्नेय दिशेला असलेले कमी दाबाचे क्षेत्र आता उत्तर प्रदेशच्या ईशान्येकडे सरकले आहे. पुढील २४ तासांमध्ये हे कमी दाबाचे क्षेत्र कमकुवत होण्याची शक्यता हवामान विभागाने वर्तवली आहे.

दरम्यान, बंगालच्या उत्तरेकडील खाडीवर चक्राकार वार्‍यांची स्थिती निर्माण झाली आहे. या चक्राकार वार्‍यांच्या प्रभावामुळे ओडिशाच्या किनारपट्टीवर नव्या कमी दाबाच्या क्षेत्राची निर्मिती होण्याची शक्यता आहे. देशात सक्रिय असलेल्या या हवामान प्रणालींचा परिणाम मध्य भारतातील काही भागांवर होण्याची शक्यताही हवामान विभागाने वर्तविली आहे.