ब्रेकिंग

देश

इंडिया आघाडीचे राहुल गांधी पंतप्रधान पदाचे उमेदवार

Samruddhi Dhayagude
28 Aug 2026

तामिळनाडूतील काँग्रेसच्या ज्येष्ठ मंत्र्याचे मत

चेन्नई : लोकसभेच्या २०२९ मध्ये होणार्‍या निवडणुकीत राहुल गांधी हेच इंडिया आघाडीचे पंतप्रधान पदाचे उमेदवार असतील, असे मत तामिळनाडूतील काँग्रेसचे ज्येष्ठ नेते आणि मंत्री पी. विश्वनाथ यांनी शुक्रवारी व्यक्त केले.

तामिळनाडूत मुख्यमंत्री विजय यांच्या नेतृत्वाखाली टीव्हीके पक्षाची सत्ता आहे. त्यांच्या मंत्रिमंडळात पी. विश्वनाथ मंत्री आहेत. एकीकडे टीव्हीकेचे मंत्री, आमदार, नागरिक मुख्यमंत्री विजय यांना पंतप्रधान पदाचे उमेदवार म्हणून पाहण्यास इच्छुक आहेत. त्याबाबत जोरदार चर्चा राज्यात सुरू आहे. आम आदमी पक्षाचे राष्ट्रीय समन्वयक अरविंद केजरीवाल यांच्या नावाची देखील पंतप्रधान पदाचे उमेदवार म्हणून जोरदार चचा सुरू असताना विश्वानाथ यांनी राहुल यांचे नाव पंतप्रधान पदाचे संभाव्य उमेदवार म्हणून जाहीर केले आहे.विश्वानाथ म्हणाले, काँग्रेसचा नेता म्हणून मी स्पष्ट करतो की, आमचे लाडके नेते आणि लोकसभेतील विरोधी पक्ष नेते राहुल गांधी हेच इंडिया आघाडीचे पंतप्रधना पदाचे उमेदवार २०२९ मध्ये असतील.