ब्रेकिंग

देश

बिहारमध्ये भरधाव मोटारीने पाच भाविकांना चिरडले

Samruddhi Dhayagude
27 Aug 2026

पाटणा : बिहारच्या सुपौल जिल्ह्यात मोटारीनेे धडक दिल्याने पाच जणांचा मृत्यू झला तर एक जखमी झाला. सुपौल-पिप्ररा मुख्य मार्गावरील बजरंगबली मंदिरांजवळ मंगळवारी सायंकाळी अपघात झाला होता.

’झूलन’ उत्सवानिमित्त धार्मिक विधींसाठी ग्रामस्थांचा एक गट

मंगळवारी रात्री आठच्या सुमारास, मंदिरांजवळ रस्त्याच्या कडेला उभा होता. तेव्हा सहा जणांना एका भरधाव वाहनाने चिरडले. त्यापैकी पाच जणांचा मृत्यू झाला, तर एकावर रुग्णालयात उपचार सुरू आहेत, असे पिप्ररा पोलिस ठाण्याचे प्रभारी किशोर कुमार यांनी सांगितले. सुरेंद्र यादव, तिलायी दास, राजू दास, भुवनेश्‍वरी यादव आणि कृष्ण मोहन यांचा मृत्यू झाला आहे. हे सर्वजण कटैया गोठ गावचे रहिवासी होते. मोटारचालक पसार झाला आहे. त्याचा शोध सुरू असल्याचे पोलिसांनी सांगितले. दरम्यान, या घटनेचा निषेध करण्यासाठी सुपौल-पिप्ररा मुख्य रस्ता नागरिकांनी काही काळ रोखून धरला होता; वरिष्ठ अधिकार्‍यांनी त्यांची समजूत काढली, असे पोलिसांनी सांगितले.