ब्रेकिंग

क्रीडा

कारुआनाची प्रज्ञानानंदवर मात

Wrutuja pandharpure
27 Aug 2026

ग्रँड चेस टूर

सेंट लुईसे : ग्रँड चेस टूर अंतिम फेरीतील पहिल्या क्लासिकल सामन्यात अमेरिकेच्या ग्रँडमास्टर फॅबियानो कारुआनाने भारताच्या आर. प्रज्ञानानंदाचा पराभव केला. या विजयासह कारुआनाने अंतिम लढतीत 6-0 अशी आघाडी घेतली असून दोघांमधील दुसरा क्लासिकल सामना बुधवारी खेळला जाणार आहे. सामना बराच काळ बरोबरीत होता. मात्र, 28व्या चालीत प्रज्ञानानंदाकडून झालेल्या चुकीचा कारुआनाने अचूक फायदा घेत निर्णायक आघाडी मिळवली आणि डाव आपल्या नावावर केला.

दरम्यान, तिसर्‍या स्थानासाठीच्या लढतीत व्हिन्सेंट कीमर आणि वेस्ली सो यांच्यातील पहिला क्लासिकल सामना बरोबरीत सुटला. त्यामुळे दोघांचे गुण 3-3 असे आहेत. कारुआनाने सामन्यानंतर सांगितले की, त्यांना सुरुवातीला कोणतीही विशेष आघाडी दिसत नव्हती आणि 26व्या चालीपर्यंत ते स्थिती सांभाळण्याचा प्रयत्न करत होते. मात्र, त्यानंतर तीन चालींनी प्रज्ञानानंदाकडून चूक झाली. या चुकीमुळे कारुआनाला निर्णायक संधी मिळाली आणि त्यांनी तिचे विजयात रूपांतर केले. कारुआना-प्रज्ञानानंदा आणि कीमर-सो यांच्यातील दुसरा क्लासिकल सामना 26 ऑगस्ट रोजी खेळला जाईल. सामना बरोबरीत राहिल्यास बोनस टायब्रेकरचीही शक्यता आहे. गुरुवारी रॅपिड आणि ब्लिट्झ सामने खेळवले जातील. ग्रँड चेस टूर फायनल्स 2026 ही स्पर्धा 22 ते 27 ऑगस्टदरम्यान सेंट लुईसमध्ये होत आहे.