ब्रेकिंग

देश

दीड तासांच्या चौकशीनंतर उदयनिधी यांची सुटका

Samruddhi Dhayagude
05 Aug 2026

चेन्नई : अभिनेत्री त्रिशा यांच्याबद्दल वादग्रस्त विधान केल्याप्रकरणी तामिळनाडूचे माजी उपमुख्यमंत्री उदयनिधी स्टॅलिन यांना अटक करण्यात आली आहे. दरम्यान, दीड तासांच्या चौकशीनंतर पोलिसांनी त्यांची सुटका केली.उदयनिधी हे द्रमुकचे नेते आणि माजी मुख्यमंत्री एम.के. स्टॅलिन यांचे पुत्र आहेत. एका रॅलीदरम्यान गर्दीतील कोणीतरी त्रिशा, त्रिशा अशी घोषणा केली. तेव्हा हा वाद निर्माण झाला. उदयनिधी यांनी आपले भाषण थांबवत स्मितहास्य करत एक अश्लील आणि द्विअर्थी विधान केले. त्याचे राजकीय पडसाद उमटले.

उदयनिधी यांच्यावरील कारवाईच्या वृत्तानंतर निवासस्थानाबाहेर द्रमुकच्या कार्यकर्त्यांनी मोठी गर्दी केली. त्या दरम्यान, द्रमुकने अटकपूर्व जामिनासाठी मद्रास उच्च न्यायालयात तातडीने अर्ज दाखल केला.

पी. के. शेखर बाबू आणि के. एन. नेहरू यांच्यासह द्रमुकचे वरिष्ठ नेते घटनास्थळी पोहोचले. पोलिसांनी उदयनिधी यांच्या पत्नी कृत्तिका तसेच विरोधी पक्षाच्या पदाधिकार्‍यांना अटकेची कारणे समजावून सांगितली.