ब्रेकिंग

विदेश

बांगलादेशच्या अध्यक्षपदासाठी उमेदवार निवडीचे अधिकार रहमान यांच्याकडे

Wrutuja pandharpure
04 Aug 2026

ढाका : बांगलादेशातील सत्ताधारी बांगलादेश नॅशनलिस्ट पार्टीने आगामी अध्यक्षपदाच्या निवडणुकीसाठी पक्षाचा उमेदवार निवडण्याचे अधिकार पंतप्रधान तथा पक्षप्रमुख तारिक रहमान यांना दिले आहेत. हा निर्णय शनिवारी झालेल्या बीएनपीच्या राष्ट्रीय स्थायी समितीच्या बैठकीत घेण्यात आला.पंतप्रधान रहमान यांच्या अध्यक्षतेखाली झालेल्या बैठकीत हा निर्णय सर्वसंमतीने मंजूर करण्यात आला. बीएनपीचे महासचिव मिर्झा फखरुल इस्लाम आलमगीर म्हणाले, स्थायी समितीने राष्ट्रपतिपदाच्या निवडणुकीसंदर्भातील सर्व आवश्यक निर्णय घेण्याची तसेच पक्षाच्या उमेदवाराची निवड करण्याची जबाबदारी पंतप्रधान रहमान यांच्यावर सोपविली आहे.

दरम्यान, 24 जुलै रोजी तत्कालीन अध्यक्ष महमद शहाबुद्दीन यांनी पदाचा राजीनामा दिल्यानंतर संसदेचे अध्यक्ष हाफिजुद्दीन अहमद यांनी कार्यवाहक अध्यक्ष म्हणून पदभार स्वीकारला आहे.बांगलादेशाच्या संविधानातील अनुच्छेद 123(2) नुसार, राष्ट्रपतिपद रिक्त झाल्यानंतर 90 दिवसांच्या आत त्या पदासाठी निवडणूक घेणे बंधनकारक आहे. त्यामुळे देशात लवकरच अध्यक्षीय निवडणुकीची प्रक्रिया सुरू होण्याची शक्यता आहे.