ब्रेकिंग

क्रीडा

कर्नाटक, झारखंड, मध्य प्रदेश आणि ओडिशाचा शानदार विजय

Wrutuja pandharpure
04 Aug 2026

ज्युनियर पुरुष हॉकी राष्ट्रीय चॅम्पियनशिप सपर्धा

कोयंबतूर : 16व्या हॉकी इंडिया ज्युनियर पुरुष राष्ट्रीय चॅम्पियनशिपच्या सातव्या दिवशी कर्नाटक, झारखंड, मध्य प्रदेश आणि ओडिशा संघांनी दमदार कामगिरी करत आपल्या सामन्यांमध्ये विजय मिळवला.‘अ’ गटातील सामन्यांमध्ये कर्नाटकने बंगालचा 4-3 असा पराभव करत स्पर्धेतील आपली ताकद दाखवून दिली. त्याच धर्तीवर झारखंडनेही दिल्लीवर 4-3 अशाच फरकाने रोमांचक विजय नोंदवला. दोन्ही सामने कोयंबतूर हॉकी मैदानावर खेळवण्यात आले.

दिवसातील इतर सामन्यांमध्ये मध्य प्रदेशने यजमान तामिळनाडूवर एकतर्फी वर्चस्व गाजवत 4-0 असा विजय मिळवला. तर ओडिशाने मणिपूरला 4-1 अशा फरकाने पराभूत केले.या सामन्यांमध्ये खेळाडूंनी आक्रमक हॉकीचे प्रदर्शन करत प्रेक्षकांचे मनोरंजन केले. कर्नाटक आणि झारखंडच्या सामन्यात चुरशीची लढत पाहायला मिळाली, तर मध्य प्रदेश आणि ओडिशाने आपल्या नियोजनबद्ध खेळाच्या जोरावर सहज विजय मिळवला.

दरम्यान, मणिपूर आणि दादरा व नगर हवेली व दमण-दीव यांच्यातील सामना 4-4 असा बरोबरीत सुटला. दोन्ही संघांनी शेवटपर्यंत संघर्ष करत सामना रोमांचक बनवला.ज्युनियर पुरुष राष्ट्रीय चॅम्पियनशिपमध्ये देशभरातील युवा खेळाडू आपली प्रतिभा दाखवत असून, आगामी भारतीय हॉकी संघासाठी नव्या खेळाडूंच्या शोधाच्या दृष्टीने ही स्पर्धा महत्त्वाची मानली जात आहे.