ब्रेकिंग

विदेश

पाकिस्तानात कोळसा खाणीत स्फोट

Wrutuja pandharpure
01 Aug 2026

34 जणांचा मृत्यू; बचाव कार्य सुरू

कराची : पाकिस्तानच्या बलुचिस्तान प्रांतात एका कोळसा खाणीत मिथेल वायूचा स्फोट झाला. या स्फोटात 34 जणांचा मृत्यू झाला. तर, एक डझनहून अधिक कामगार अद्यापही अडकले आहेत, अशी माहिती अधिकार्‍यांनी शुक्रवारी दिली.ही घटना गुरुवारी क्वेट्टाजवळील सोरांज कोळसा खाणीत घडली. कामगारांची शिफ्ट बदलत असताना हा स्फोट झाला. या स्फोटामुळे शेजारील खाणीचेही नुकसान झाले.

या घटनेनंतर 4,000 फूट खोलीवर युद्धपातळीवर मदत आणि बचाव कार्य हाती घेण्यात आले. आतापर्यंत 34 जणांचा मृतदेह बाहेर काढण्यात आले आहेत, तर, 24 जणांची सुटका करण्यात आली, असे प्रांतीय आपत्ती व्यवस्थापन प्राधिकरणाने सांगितले.मुख्य खाणीत 22 कामगार अडकले होते तर, उर्वरित कामगार शेजारील खाणीत अडकले होते, असे खाण विभागाचे मुख्य निरीक्षक महमद आतिफ यांनी सांगितले.मिथेन वायूच्या साठ्यामुळे हा स्फोट झाला. जेव्हा जमिनीच्या इतक्या खोल असे स्फोट होतात, तेव्हा जीव वाचण्याची शक्यता कमी असते, असे तज्ज्ञांनी सांगितले. या दुर्घटनेत मृत्युमुखी पडलेल्या कामगारांच्या कुटुंबीयांसाठी पाच लाख आणि जखमींना 3 लाखांची नुकसान भरपाई जाहीर करण्यात आली आहे.