ब्रेकिंग

’रस्त्यात खड्डा की खड्ड्यात रस्ता?’

Wrutuja pandharpure
30 Jul 2026

विरोधकांचे सभागृहात आंदोलन

पुणे : शहरातील रस्त्यांवरील खड्ड्यांच्या प्रश्‍नावर बुधवारी महापालिकेच्या सर्वसाधारण सभेत विरोधी पक्षांच्या नगरसेवकांनी आक्रमक भूमिका घेत जोरदार घोषणाबाजी केली. सभेच्या सुरुवातीलाच नगरसेवकांनी महापौरांच्या व्यासपीठासमोरील वेलमध्ये उतरून आंदोलन केल्याने काही काळ कामकाज बंद झाले होते. रस्त्यात खड्डा की खड्ड्यात रस्ता?, खड्डेमुक्त पुणे झालेच पाहिजे आणि रस्ते आमच्या हक्काचे... अशा घोषणांनी सभागृह दणाणून गेले. विरोधी पक्षनेते अ‍ॅड. नीलेश निकम, काँग्रेसचे चंदूशेठ कदम, राष्ट्रवादी काँग्रेस (शरद पवार गट)चे काका चव्हाण, शिवसेनेचे नितीन गावडे यांच्यासह महाविकास आघाडीच्या नगरसेवकांनी प्रशासनावर तीव्र टीका केली. पावसामुळे मुख्य व अंतर्गत रस्त्यांवर मोठ्या प्रमाणात खड्डे पडले असून अपघात, वाहतूक कोंडी आणि वाहनांचे नुकसान वाढल्याचा आरोप करत जबाबदार अधिकार्‍यांवर कारवाई आणि खड्डेमुक्त पुण्यासाठी कालबद्ध कृती आराखडा जाहीर करण्याची मागणी करण्यात आली.