ब्रेकिंग

देश

परीक्षा सुधारणा विधेयक लोकसभेत गोंधळात मंजूर

Wrutuja pandharpure
29 Jul 2026

नवी दिल्ली : परीक्षा व्यवस्थेत सुधारणा सुचविणारे आणि पेपरफुटीला चाप बसविणारे ‘सार्वजनिक परीक्षा (गैरप्रकारांना प्रतिबंध) सुधारणा विधेयक, 2026’ बुधवारी लोकसभेत विरोधी पक्षांच्या गदारोळातच आवाजी मताने मंजूर झाले. त्यानंतर, लोकसभेचे कामकाज दिवसभरासाठी तहकूब करण्यात आले.आता हे विधेयक मंजुरीसाठी राज्यसभेत मांडले जाईल. त्यानंतर, ते राष्ट्रपतींकडे पाठविले जाईल. राष्ट्रपतींच्या स्वाक्षरीची मोहोर उमटल्यानंतर सुधारित विधेयकाचे कायद्यात रुपांतर होईल.

नीट परीक्षेतील गैरप्रकारानंतर कॉक्रोच जनता पार्टीने (सीजेपी) जंतर-मंतरवर आंदोलन आयोजित केले होते. शिक्षण मंत्री धमेंद्र प्रधान यांच्या राजीनाम्यानंतर आणि सरकारने मागण्या मान्य केल्यानंतर विद्यार्थ्यांनी तब्बल 36 दिवसांनी आंदोलन मागे घेतले. पेपरफुटी, अयोध्येतील राम मंदिरातील देगणी चोरीवरुन विरोधकांनी सरकारची कोंडी केली होती. त्यामुळे मागील आठवड्यात संसदेच्या पावसाळी अधिवेशनाचा पहिला आठवडा वाया गेला. अखेर ही कोंडी फोडण्यात सरकारला यश आले आणि मंगळवारी केंद्रीय मंत्री जितेंद्र सिंह यांनी परीक्षा सुधारणा विधेयक लोकसभेत मांडले. त्यावर दोन दिवस चर्चा झाली. मात्र, सत्तधारी पक्षाने विरोधकांच्या गदारोळातच हे विधेयक आवाजी मताने मंजूर करुन घेतले. हे विधेयक मंजूर होताच लोकसभेचे कामकाज दिवसभरासाठी तहकूब करण्यात आले.