ब्रेकिंग

विदेश

शिखर परिषदेत सहभाग टाळा; चीनचा सहा देशांवर दबाव

Samruddhi Dhayagude
29 Jul 2024

बीजिंग : तैवानमध्ये होणार्‍या चीनकेंद्रित शिखर परिषदेला उपस्थित राहू नये, यासाठी चीन सहा देशांच्या नेत्यांवर दबाव टाकत आहेत. बैठकीला उपस्थित राहण्याच्या तयारीत असलेल्या एका देशाच्या नेत्याने नाव न सांगण्याच्या अटीवर माध्यमांना ही माहिती दिली.बोलिव्हिया, कोलंबिया, स्लोव्हाकिया, उत्तर मॅसेडोनिया, बोस्निया आणि हर्जेगोविना या देशांच्या नेत्यांवर चीन दबाब टाकत आहे. त्यांना तैवानला भेट न देण्याबद्दल चीनकडून फोन आणि मेसेज येत आहेत. या नेत्यांनी चीनच्या या कृतीचे वर्णन स्वशासित बेटाला एकटे पाडण्याचा प्रयत्न असल्याचे म्हटले आहे.

तैवानमधील चीनकेंद्रित शिखर परिषदेला आजपासून (सोमवार) सुरुवात होत आहे. इंटर पार्लमेंटरी अलायन्स ऑन चायना या ३५ देशांच्या शेकडो खासदारांच्या गटाने या परिषदेचे आयोजन केले आहे. लोकशाही देश बीजिंगला कसा प्रतिसाद देतात, याची चिंता या गटाला आहे.तैवानला पाठिंबा दर्शविणार्‍या नेत्यांना आणि देशांना प्रत्युत्तर देण्याची धमकी चीन अनेकदा देत असतो. तैवान हा आपला वाटा असल्याचा त्यांचा दावा आहे.चीन आणि तैवानच्या परराष्ट्र मंत्रालयाने अद्याप यावर प्रतिक्रिया दिलेली नाही.चीनवरील आंतरसंसदीय आघाडीला चीन सरकारच्या दबावाला बराच काळ सामोरे जावे लागत आहे. बीजिंगने आपल्या काही सदस्यांवर निर्बंध लादले आहेत.