ब्रेकिंग

देश

एनएचएआय समोर कोणतेही आर्थिक संकट नाही

Samruddhi Dhayagude
26 Jul 2024

नवी दिल्ली : भारतीय राष्ट्रीय महामार्ग प्राधिकरण (एनएचएआय) कोणत्याही आर्थिक संकटाचा सामना करत नसून, टोल महसूल इत्यादीद्वारे कर्जाची परतफेड करण्याची आमची योजना असल्याचे केंद्रीय रस्ते वाहतूक आणि महामार्ग मंत्री नितीन गडकरी यांनी स्पष्ट केले. गडकरी म्हणाले, एनएचएआयला कोणत्याही आर्थिक संकटाचा सामना करावा लागत नाही, जे एनएचएआयने ‘इनविट’ कमाईच्या पावत्यांद्वारे १५ हजार ७०० कोटी रुपयांचे प्रीपेड बँक कर्ज घेतले आहे हे यावरून स्पष्ट होते. एनएचएआयचे कर्ज ३.३५ लाख कोटी रुपये आहे.

सरकारने २०२३-२४ या आर्थिक वर्षापासून निधी उभारण्यासाठी एनएचएआयला अधिकृत केलेले नाही. अशा प्रकारे कर्ज कपात सुरू झाली आहे. एनएचएआयने टोल महसूल आणि मालमत्तेच्या कमाईच्या चांगल्या प्रवाहाद्वारे कर्जाची परतफेड करण्याची योजना तयार केली आहे. ‘इनविट’मोडद्वारे जमा केलेली रक्कम फक्त कर्जाची परतफेड करण्यासाठी वापरली जाते. ‘इनविट’ (इन्फ्रास्ट्रचर इन्व्हेस्टमेंट ट्रस्ट) ही ‘म्युच्युअल फंड’ च्या स्वरूपात एक सामूहिक गुंतवणूक योजना आहे, ज्यामध्ये गुंतवणूकदार पायाभूत सुविधांशी संबंधित प्रकल्पांमध्ये थेट गुंतवणूक करू शकतात, असे गडकरी यांनी नमूद केले.