ब्रेकिंग

क्रीडा

श्रीलंकेचे माजी लष्करप्रमुख फोन्सेका अध्यक्षपदाच्या रिंगणात

Samruddhi Dhayagude
26 Jul 2024

कोलंबो : श्रीलंकेचे माजी लष्करप्रमुख सरथ फोन्सेका यांनी भ्रष्टाचाराला चाप लावण्याचा आणि अर्थव्यवस्थेला चालना देण्याचा संकल्प करत आगामी अध्यक्षपदाच्या निवडणुकीसाठी आपली उमेदवारी जाहीर केली.

फोन्सेका म्हणाले, गेली 76 वर्षे आमचे नेतृत्व एका अकार्यक्षम राजकीय गटाने केले, ज्याने आम्हाला दिवाळखोरीकडे नेले. श्रीलंकेचा विकास करायचा असेल तर भ्रष्टाचाराला चिरडून टाकावे लागेल. उत्पन्न निर्मितीला चालना देण्यासाठी आपल्या नैसर्गिक साधनसंपत्तीचा वापर करण्याची गरज आहे. 2024 च्या अध्यक्षपदाच्या निवडणुकीसाठी ही माझी औपचारिक आणि अधिकृत घोषणा आहे.

तमिळ राज्याच्या निर्मितीसाठी एलटीटीईच्या फुटीरतावादी मोहिमेला पराभूत करणारे फोन्सेका 2010 च्या अध्यक्षपदाच्या निवडणुकीत विद्यमान महिंदा राजपक्षे यांच्याविरोधात विरोधकांचे प्रमुख प्रतिस्पर्धी होते. त्यावेळी त्यांना दारुण पराभवाला सामोरे जावे लागले होते. श्रीलंकेत राष्ट्रपतीपदाची निवडणूक 17 सप्टेंबर ते 16 ऑक्टोबर दरम्यान होणार आहे. निवडणुकीची तारीख आज (शुक्रवारी) जाहीर होणार आहे.