ब्रेकिंग

संपादकीय

‘कृत्रिम स्टार्टअप’ला ‘एआय युनिकॉर्न’चा दर्जा

Samruddhi Dhayagude
08 Feb 2024

वृत्तवेध

भारताने कृत्रिम बुद्धिमत्ते (एआय) च्या शर्यतीत मोठे यश मिळवले आहे. ‘एआय स्टार्टअप कृत्रिम’ला देशातील पहिल्या ‘एआय युनिकॉर्न’चा दर्जा मिळाला आहे. ‘ओएलए’चे सीईओ भाविश अग्रवाल यांच्या ‘कृत्रिम एआय स्टार्टअप’ला पन्नास दशलक्ष निधी मिळाला आहे.

मॅट्रिक्स पार्टनर्स इंडिया आणि इतर गुंतवणूकदारांनी ‘कृत्रिम’चे बाजार मूल्य एक अब्ज डॉलर ठेवले आहे. यासह ते देशातील पहिले ‘एआय युनिकॉर्न स्टार्टअप’ ठरले आहे. ‘एआय स्टार्टअप आर्टिफिशियल’ने एक महिन्यापूर्वी आपले भाषा मॉडेल लाँच केले होते. कृत्रिम कंपनी मॉडेल केवळ भाषांपुरते मर्यादित नाही. हे स्टार्टअप डेटा सेंटर विकसित करत आहे. या कंपनीची ‘एआय इको सिस्टीम’साठी सर्व्हर आणि सुपर कॉम्प्युटर तयार करण्याची योजना आहे. भाविश अग्रवाल यांनी ‘एक्स’वर पोस्ट केले की ‘कृत्रिम’ने आपली पहिली फंडिंग फेरी यशस्वीरीत्या पूर्ण केली आहे. हा केवळ कंपनीसाठीच नाही, तर भारतासाठीही ऐतिहासिक क्षण आहे. भारताला स्वतःचे ‘एआय’ तयार करावे लागेल. हे स्वप्न कृत्रिम बुद्धिमतेच्या माध्यमातून पूर्ण करण्यासाठी आम्ही सर्वतोपरी प्रयत्न करू.

अग्रवाल पुढे म्हणतात की भारतीय डेटावर लक्ष केंद्रित करून कृत्रिम बुद्धिमत्तेला दोन ट्रिलियनपेक्षा जास्त टोकन्सवर प्रशिक्षण देण्यात आले आहे. या प्रारुपाची अनेक भारतीय भाषांमध्ये काम करण्याची ताकद आहे. आर्टिफिशियल इंटेलिजन्स अनेक भारतीय भाषा समजून घेऊ शकतेच, पण त्यामध्ये सहज प्रतिसाद देण्याची क्षमतादेखील आहे. त्याच्या भाषा मॉडेलमध्ये सध्या आर्टिफिशियल बेस आणि आर्टिफिशियल प्रो यांचा समावेश आहे. आम्ही हे मल्टीमोडल वैशिष्ट्यांसह आणि सर्वसमावेशक ज्ञानक्षमतेसह विकसित केले आहे. हे मॉडेल एकापेक्षा अधिक भाषांमध्ये सहजपणे स्विच करू शकते.