ब्रेकिंग

क्रीडा

विश्‍वचषक जिंकल्याचा संपुर्ण संघाला आनंद : पॅट कमिन्स

Samruddhi Dhayagude
20 Nov 2023

अहमदाबाद : भारत विरुद्ध ऑस्ट्रेलिया सामन्यात टीम इंडियावर कांगारू भारी पडले. 6 फलंदाज राखुन भारताला नमवत ऑस्ट्रेलियाने विश्‍वचषक जिंकला. आम्हाला विश्‍वचषक जिंकल्याने आनंद झाला असे मत कमिन्सने मांडले. विश्‍वचषकाच्या अंतिम सामन्याच्या पूर्वसंध्येला ऑस्ट्रेलियाचा कर्णधार पॅट कमिन्सने आपल्याकडून याच पद्धतीचा खेळ खेळला जाणार असल्याची पूर्वकल्पना दिली होती. भारतात सामना असल्याने स्टेडियममध्ये भारतीय चाहतेच जास्त असणार आहेत. अंदाजे 1 लाख 30 हजार लोक भारताचा जयघोष करत असतील याची आम्हाला कल्पना आहे पण हे आम्ही स्वीकारले आहे. आणि खरंतर अशा एकतर्फी सामन्यातच स्टेडियममधील चाहत्यांना शांत करण्याची आणि विश्‍वचषक जिंकण्याची गंमत काही औरच असते. अशा आशयाची प्रतिक्रिया पॅट कमिन्सने दिली होती.

कमिन्स म्हणाला की, इंडियन प्रीमियर लीगमध्ये खेळल्यानंतर, पाचवेळा चॅम्पियन असलेला ऑस्ट्रेलिया संघ भारतीयांच्या क्रिकेटप्रेमाला ओळखून आहे. मोठ्या गर्दीसमोर खेळणे ही सध्याच्या ऑस्ट्रेलियन संघातील अनेकांसाठी नवी गोष्ट नाही. स्टीव्ह स्मिथ, डेव्हिड वॉर्नर, मिचेल स्टार्क, जोश हेझलवूड आणि ग्लेन मॅक्सवेल हे सर्व 2015 च्या अंतिममध्ये होते. तेव्हा ऑस्ट्रेलियाने 80 हजारहून अधिक चाहत्यांसमोर न्यूझीलंडचा पराभव केला होता. संघातील बरेच जण आयपीएलही खेळले आहेत.

ऑस्ट्रेलियाच्या संघाच्या तयारीविषयी बोलताना पॅट कमिन्स म्हणाला होता की, एक गोष्ट जी सातत्यपूर्ण राहिली ती म्हणजे संघाचे मनोबल. सर्वच आशावादी होते. प्रत्येक जण खेळासाठी तयार आहे. हा सामना आमच्या सर्वांच्यासाठी महत्त्वाचा ठरू शकतो, जेव्हा मागे वळून कालच्या सामन्याकडे पाहू तेव्हा अभिमान वाटू शकतो. नेदरलँड्सविरुद्ध, सामना वगळल्यास आम्हाला कोणतेही मोठे विजय मिळालेले नाहीत. आम्हाला विजय गवसताना खूप अडचणी आल्या पण विजयी कसे व्हायचे हे आम्ही ओळखले आहे. प्रत्येक विजयासाठी वेगवेगळ्या वेळी वेगवेगळा खेळाडू संघासाठी उत्तम कामगिरी करताना दिसला आहे. दरम्यान, सहा आठवड्यांपूर्वी ऑस्ट्रेलियाने भारत आणि दक्षिण आफ्रिकेकडून पराभव पत्करून विश्‍वचषक मोहिमेची सुरुवात केली होती.