ब्रेकिंग

देश

RBIचे माजी गव्हर्नर एस व्यंकट रामन यांचे दीर्घ आजाराने निधन

Samruddhi Dhayagude
18 Nov 2023

नवी दिल्ली : भारतीय रिझर्व्ह बँकेचे माजी गव्हर्नर एस व्यंकटरामन यांचे ९२ व्या वर्षी निधन झाले आहे. ते बरेच दिवस आजारी होते. त्यांच्या मागे दोन मुली आणि कुटुंब आहे.

एस व्यंकटरामन हे आरबीआयचे १८ वे गव्हर्नर होते. त्यांनी १९९० ते १९९२ या दरम्यान दोन वर्ष हा पदभार सांभाळला होता. या आधी त्यांनी अर्थ मंत्रालयामध्ये १९८५ ते १९८९ या काळात अर्थ सचिव म्हणून कार्य केलेलं होतं. गव्हर्नर असताना त्यांनी बरेच महत्त्वाचे निर्णय घेतले.

आरबीआयचे गर्व्हरनर याशिवाय व्यंकटरामनन यांनी भारतीय प्रशासकीय सेवेत अनेक महत्त्वाच्या जबाबदाऱ्या संभाळल्या आहेत. ते राज्य आणि केंद्र सरकारमध्ये महत्वाच्या पदांवर होते. सेवेतून निवृत्त झाल्यानंतर त्यांनी शैक्षणिक संस्थांमध्ये विद्यार्थ्यांना मार्गदर्शन केले. तसेच आर्थिक बाबींवर अनेकदा सल्ला दिला.