वित्त क्षेत्रात प्रगतीचे संकेत 

सप्ताहाच्या प्रारंभी ‘प्रयत्नांती परमेश्वर’ या म्हणीचा प्रत्यय येईल. बौद्धिक आणि वित्त क्षेत्रातील नोकरीत प्रगतीचे संकेत लाभतील. अधिकारी वर्गाने कोणावर अन्याय होणार नाही याची खबरदारी घ्यावी. एखाद्या प्रसंगाबाबत अधिक संवेदनशीलता दैनंदिनीत बाधा आणू शकते. व्यावहारिक नुकसान टाळण्यासाठी जबाबदारीचे भान ठेवणे गरजेचे आहे. शनी आणि गुरु दिरंगाई करणारे, आणि कामात अनपेक्षित अडथळे आणणारे आहेत. गुरुवारी  आरोग्याबाबत सावधगिरी बाळगा. ऐष आरामाकडे वाढता कल राहिल्याने घरगुती घडामोडींकडे दुर्लक्ष होण्याची शक्यता आहे. उत्तरार्धात हौसमौज करताना शारीरिक आणि आर्थिक कुवतीकडे लक्ष देणे गरजेचे ठरेल.