साप्ताहिक भविष्य

२६ जानेवारी ते १ फेब्रुवारी २०२३

मेष

Mesh

नवी संधी मिळेल

या सप्ताहात राशीला गोचर शनि अकरावा आल्याने आपणास नवी संधी मिळेल. मार्गी मंगळामुळे खर्चात वाढ होणार आहे. व्यापारीवर्गाने नव्या योजनांचा पाठपुरावा करण्यास हरकत नाही. आर्थिक स्तरावर आता वाढ होत राहणार आहे. अश्विनी नक्षत्र पहिला-तिसरा व चौथा चरण, भरणी नक्षत्र तृतीय चरण यांना सहज यश मिळेल.

शुभ तारखा – 26, 28, 29, 30, 31.

वृषभ

vrishabh

प्रगती होत राहील

या सप्ताहात फक्त गोचर बुध आठवा व राहु-हर्षल बारावे असल्याने आपली सर्व क्षेत्रात संथ गतीने प्रगती होत राहणार आहे. व्यापारी वर्गाने आपला व्यापार वाढविण्यासाठी थोडा प्रवास करावा म्हणजे त्यात यश मिळेल. राशीच्या दशमात आलेला शनि व्यापारात चांगली प्रगती करून देणार आहे. कृत्तिका नक्षत्र दुसरा व तिसरा चरण, रोहिणी नक्षत्र पहिला-तिसरा व चौथा चरण यांना सहज यश मिळेल.

शुभ तारखा – 26, 27, 28, 29, 31, 1.

मिथुन

mithun

दिलासा मिळेल

या सप्ताहात राशीला रवि-प्लूटो आठवे असले तरी भाग्यात शुक्र व शनि आल्याने पहिल्या इतका ताण आता राहणार नाही. राशीला बारावा मंगळ असल्याने फालतु खर्च होतच राहणार आहेत. नोकरदार लोकांना जास्तीचे काम पडणार आहे व ते करावे लागणार आहे. मृग नक्षत्र तृतीय चरण, आर्द्रा नक्षत्र दुसरा व तिसरा चरण, पुनर्वसू नक्षत्र पहिला-तिसरा चरण यांना यश मिळविण्यासाठी जास्तीचे प्रयत्न करावे लागणार आहेत.

शुभ तारखा – 26, 28, 30, 31, 1.

कर्क

kark

आरोग्य सांभाळावे

या सप्ताहात राशीला आठवे शनि-शुक्र-नेपच्यून आल्याने आता यापुढे आपले आरोग्य सांभाळावे लागणार आहे. शनिचा इशारा झालेला असल्याने आता प्रत्येक गोष्ट करण्यापूर्वी संपूर्ण सांभाळावे लागणार आहे. कौटुंबिक स्तरावर वातावरण जरा नरम-गरमच राहणार आहे. आर्थिक स्तरावर आवक व जावक सारखीच राहणार आहे. पुनर्वसू नक्षत्र चतुर्थ चरण, पुष्य नक्षत्र तृतीय चरण, आश्‍लेषा नक्षत्र दुसरा व तिसरा चरण यांना यश मिळविण्यासाठी जास्तीचे प्रयत्न करावे लागणार आहेत.

शुभ तारखा – 26, 28, 29, 30, 31.

सिंह

sinha

विरोधकांपासून सावध

या सप्ताहात विरोधकांच्या कारवाया वाढत जाणार आहेत. त्या वेळीच ओळखून त्यापासून स्वतःला सुरक्षित कसे राहता येईल याचा विचार करा. आर्थिक स्तरावर पैशाचा उपयोग करताना संपूर्ण खबरदारी घ्या. काटकसर हाच त्याचा पाया झाला पाहिजे. मघा नक्षत्र पहिला-तिसरा व चौथा चरण, पूर्वा नक्षत्र तृतीय चरण यांना यश मिळविण्यासाठी जास्तीचे प्रयत्न करावयास लागणार आहेत.

शुभ तारखा – 26, 28, 29, 30, 31.

कन्या

kanya

त्रुटी दूर कराव्या

आपल्या कार्यातील त्रुटी वेळीच ओळखून त्या दूर करण्यासाठी जोरदार प्रयत्न करा. राशीला शुक्र सहावा झाल्याने खर्चावर आपोआपच नियंत्रण येणार आहे. प्रकृतीचे किरकोळ त्रास सुरूच राहणार आहेत. उत्तराषाढा नक्षत्र दुसरा व तिसरा चरण, हस्त नक्षत्र पहिला-तिसरा व चौथा चरण यांना यश मिळविण्यासाठी भरपूर कष्ट उपसावे लागणार आहेत. 

शुभ तारखा – 26, 28, 29, 31

तूळ

tula

चंद्रबळ कमी राहील

या सप्ताहात व्यापारी वर्गाने चंद्रबळ कमी राहणार असल्याने जास्तीचा धोका पत्करून व्यवहार करू नये. स्थावराचे व्यवहार करताना योग्य त्या माणसाचा सल्ला घ्यावा लागेल. आर्थिक स्तरावर उधार-उसनवार करू नये. चित्रा नक्षत्र तृतीय चरण, स्वाती नक्षत्र दुसरा व तिसरा चरण, विशाखा नक्षत्र दुसरा व तिसरा चरण यांना यश मिळविण्यासाठी भरपूर कष्ट घ्यावे लागणार आहेत.

शुभ तारखा – 27, 28, 29, 31, 1.

वृश्चिक

vrishchik

 प्रगती होत राहील

या सप्ताहात आपली कर्तव्ये पूर्ण करण्यासाठी प्रसंगी आक्रमक धोरण स्वीकारावे लागेल. ते करत असताना फक्त जवळचे कोणी दुखावले जात नाहीत ना याची खातरजमा करावी लागेल. ग्रह गोचरीचा जोरदार पाठिंबा आपणास लाभला असल्याने आपली नियमित प्रगती होत राहणार आहे. विशाखा नक्षत्र चतुर्थ चरण, अनुराधा नक्षत्र तृतीय चरण, ज्येष्ठा नक्षत्र दुसरा व तिसरा चरण यांना सहज यश मिळेल.

शुभ तारखा – 26, 28, 29, 31.

धनु

dhanu

चांगली संधी मिळेल

या सप्ताहात गोचर ग्रहमानाचा जोरदार पाठिंबा आपणास मिळणार असल्याने उद्योजकांना चांगली संधी मिळेल. नोकरदार लोकांनी आपल्या बढतीसाठीचे प्रयत्न सुरू करावेत त्याला यश मिळेल. आपला वरिष्ठांबरोबरील संवाद वाढवावा. आर्थिक स्तरावर मोठी झेप घेणे आता शक्य होणार आहे. मूळ नक्षत्र पहिला-तिसरा व चौथा चरण, पूर्वाषाढा नक्षत्र तृतीय चरण यांना सहज यश मिळेल.

शुभ तारखा – 26, 28, 29, 30, 31.

मकर

makar

काटकसर करा

या सप्ताहात आपल्याला काटकसरीचे धोरण अमलात आणावे लागणार आहे. बुध राशीला बारावा असल्याने बोलतानासुद्धा प्रत्येक शब्द जपून वापरावा लागणार आहे. स्थावरासंबंधीचे कोणतेही निर्णय घाईने घेऊ नये. पैशाची उधळपट्टी समस्या वाढवेल, हे लक्षात ठेवावे. उत्तराषाढा नक्षत्र दुसरा व तिसरा चरण, श्रवण नक्षत्र पहिला-तिसरा व चौथा चरण यांना यश मिळविण्यासाठी जास्तीचे प्रयत्न करावे लागणार आहेत.

शुभ तारखा – 27, 28, 29, 31.

कुंभ

kumbh

कष्ट वाढतील

या सप्ताहात प्लूटो बारावा असल्याने आपल्या योजनांचा पत्ता इतरांना लागू देऊ नका. कार्यात त्यामुळे आणखी उशीर होईल. आपला व्यावसायिक योजनांचा पुनर्विचार करावा लागेल. मार्गी मंगळ मोठ्या व्यवहारात अडचणी आणेल. धनिष्ठा नक्षत्र तृतीय चरण, शततारका नक्षत्र दुसरा व तिसरा चरण, पूर्वाभाद्रपदा नक्षत्र दुसरा व तिसरा चरण यांना यश मिळविण्यासाठी जास्तीचे प्रयत्न करावे लागणार आहेत.

शुभ तारखा – 27, 28, 29, 31.

 

मीन

meen

प्रयत्न वाढवा

आपल्या व्यावहारिक जीवनातील समस्यांचे निराकरण करण्यासाठी आपले प्रयत्न वाढवावे लागणार आहेत. मनातील सकारात्मक विचार आणखी वाढविण्यासाठी तज्ज्ञांचा सल्ला घ्या. आळस झटकून कामाला लागल्यास कार्यपूर्ति होते आहे याचा सुखद अनुभव घ्या. आर्थिक स्तरावर आवक व जावक सारखीच राहील. पूर्वाभाद्रपदा नक्षत्र चतुर्थ चरण, उत्तरा भाद्रपदा नक्षत्र तृतीय चरण, रेवती नक्षत्र दुसरा व तिसरा चरण यांना यश मिळविण्यासाठी भरपूर प्रयत्न करावे लागणार आहेत.

शुभ तारखा – 26, 28, 29, 31.