सैर…
शांत,अथांग नदीकाठी, फिरावेसे मज वाटते
निथळ पाण्यात स्वतःलाच, स्थिर पहावेसे वाटते
खोल खोल पाण्यात जसे, माशांचे घर असते
तितकेच खोल स्वतःमध्ये, दडलेले मुल हसते
पद सोडूनी जलात मग,खेळावेसे आज वाटते,
आठवताच बालपण सारे,आसवांचे गूज दाटते,
निळ्या निळ्या आभाळाला,पोहण्याचा छंद जडतो,
तोही चंद्र बघ रात्री, पाण्यात सैर करण्यास निघतो,
निसटलेल्या प्रत्येक क्षणाला, नव्याने बघ आज जोडते
तीही समुद्रास रोज भेटते अन् मी ही अशी एकटी सोबती शोधते…
- पौर्णिमा अक्षय भोसले
मर्ढे, जि.सातारा
मो. 8600672299
आजकालच्या मुलांना हे कधीच कळणार नाही पूर्वीच्या काळी खालील कारणांसाठी पण मार मिळत असे!
- मारल्यावर रडल्याबद्दल.
- मारल्यावर न रडल्याबद्दल.
- न मारता रडल्याबद्दल.
- मित्रांबरोबर खेळल्याबद्दल.
- मित्रांबरोबर न खेळल्याबद्दल.
- मोठी माणसे बसली असताना तिथून ये जा केल्याबद्दल.
- मोठ्यांना उत्तर दिल्याबद्दल
- मोठ्यांना उत्तर न दिल्याबद्दल.
- खूप वेळ मार न खाता राहिल्यावर.
- उपदेशपर गाणं गायल्याबद्दल.
- पाहुण्यांना नमस्कार न केल्याबद्दल.
- पाहुण्यांसाठी केलेला खाऊ खाल्ल्याबद्दल.
- पाहुणे जायला निघाल्यावर त्यांच्या बरोबर जाण्याचा हट्ट केल्याबद्दल.
- खायला नाही म्हंटल्यावर.
- सूर्यास्तानंतर घरी आल्यावर.
- शेजार्यांकडे खाल्ल्याबद्दल.
- हट्टी असल्याबद्दल.
- खूप उत्साही असल्याबद्दल.
- बरोबरच्या मुलांमध्ये भांडणात हरल्याबद्दल.
- बरोबरीच्या मुलांमध्ये भांडणात जिंकल्याबद्दल.
- खूप सावकाश खाल्याबद्दल.
- भराभर खाल्याबद्दल.
- मोठे जागे झाल्यावर झोपून राहिल्याबद्दल.
- पाहुणे खात असताना त्यांच्याकडे बघत राहिल्याबद्दल.
- चालतांना घसरून पडल्याबद्दल.
- मोठ्यांच्या कडे पाहत उभे राहिल्याबद्दल.
27 मोठ्यांशी बोलताना दुसरीकडे पाहिल्याबद्दल. - मोठ्यांशी बोलताना त्यांच्याकडे न पाहिल्याबद्दल.
29 मोठ्यांशी बोलताना एकटक पाहिल्याबद्दल
30 रडणार्या मुलांकडे पाहून हसल्याबद्दल.
