कुरुक्षेत्र: १५ ऑगस्ट या स्वातंत्रदिनाआधी देशाला असुरक्षित करणारी घटना घडली. एसटीएफ अंबालाच्या पथकाने सुमारे दीड किलो आरडीएक्स जप्त केले. इतकेच नाहीतर सगळ्यात धक्कादायक बाब म्हणजे टायमर आणि डिटोनेटरही जप्त करण्यात आले आहेत.

धर्मनगरी कुरुक्षेत्र हादरवण्याचा प्रयत्न एसटीएफच्या पथकाने हाणून पाडला आहे. कुरुक्षेत्रच्या शाहबाद उपविभागातील जीटी रोडवरील मिर्ची ढाब्याजवळ ही स्फोटक सापडली आहेत. मिळालेल्या माहितीनुसार, पोलिसांनी आरोपींपैकी एक आरोपी समशेर सिंग, परगट सिंगचा मुलगा, तरनतारन येथील रहिवाश्याला अटक केली.

ही स्फोटकं कुठून आली, काय उद्देशाने ती ठेवण्यात आली होती, यामागे काही मोठ्या कटाचा डाव होता का?, या सगळ्या प्रश्नांची उत्तरं शोधण्यासाठी आता तपास सुरू आहे. सध्या आरोपी समशेर सिंगला उद्या न्यायालयात हजर करून चौकशीसाठी कोठडी घेण्यात येणार असून आरोपीविरुद्ध शहाबाद पोलीस ठाण्यात गुन्हा दाखल करण्यात आला आहे.

दुसरीकडे, आरडीएक्स जप्त केल्यानंतर बॉम्ब निकामी पथकाच्या तांत्रिक पथकाने राष्ट्रीय महामार्ग काही काळासाठी बंद करून काळजीपूर्वक हा स्फोटक पदार्थ घटनास्थळी निकामी केला.आरडीएक्सचे प्रमाण एक ते दीड किलो इतके सांगितले जात आहे. मात्र, पोलिसांनी अद्याप या संदर्भात दुजोरा दिलेला नाही.

एसपी कर्ण गोयल म्हणाले की,”दहशतवाद्यांसह आरडीएक्स जप्त करणे हे एसटीएफचे मोठे यश आहे. या घटनेमागील त्याचा नापाक हेतू जाणून घेण्यासाठी आरोपी तरुणाची चौकशी सुरू आहे. शहाबादमध्ये आरडीएक्स कसे पोहोचले, तरुण कोणत्या दहशतवाद्यांशी संबंधित आहे, हे तपासानंतरच समोर येईल.

प्रतिक्रिया द्या

कृपया आपली टिप्पणी द्या!
कृपया येथे आपले नाव प्रविष्ट करा