चंडीगढ : भारतीय हद्दीत चुकून आलेल्या तीन वर्षांच्या पाकिस्तानी बालकाला सीमा सुरक्षा दलाच्या जवानांनी शनिवारी पाकिस्तानी सैनिकांच्या हवाली केले.
पंजाबमधील फिरोजपूर भागात हे बालक भारतीय जवानांना आढळले होेते. बालक स्वत:ची माहिती देण्यास सक्षम नसल्याने त्याची काळजी जवानांनी घेतली. याबाबत पाकिस्तानी सैनिकांशी संपर्क साधला होता. त्यानंतर त्याला पाकिस्तानकडे सोपविले. त्यामुळे सीमेवर भारतीय जवानांनी मानवतेचे दर्शन घडविले आहे.
