नवी दिल्ली : देशात पुन्हा एकदा कोरोना विषाणूचे रुग्ण झपाट्याने वाढत असल्याचे चित्र आहे. रविवारी देशात 11 हजार 739 नवे रुग्ण आढळून आले आहेत. गेल्या 24 तासांत 25 जणांचा मृत्यू झाला आहे. तर 10 हजार 917 लोक बरे झाले आहेत.
भारतात सक्रिय रुग्णांची संख्या 92 हजारांच्या पुढे गेली आहे.?कोरोना सक्रिय रुग्णांची संख्या 92,576 आहे. आरोग्य मंत्रालयाने दिलेल्या माहितीनुसार, एकूण संसर्गांपैकी 0.21 टक्के सक्रिय प्रकरणे आहेत, तर देशातील कोरोनातून बरे होण्याचे प्रमाण 98.58 टक्क्यांहून अधिक आहे.?
देशातील दैनंदिन सकारात्मकता दर 2.59 टक्के नोंदवला गेला आहे. कोरोना मृत्यू दर 1.21 टक्के नोंदवला गेला आहे. देशात आतापर्यंत 5 लाख 24 हजार 999 लोकांचा कोरोनामुळे मृत्यू झाला आहे. तर, देशातील कोरोना संसर्गाची एकूण संख्या 43.39 दशलक्षांवर पोहोचली. सध्या देशात कोरोना लसीकरणाचा आकडा 1,97, 08, 51,580 आहे. गेल्या 24 तासांत 12 लाख 72 हजार 739 लसीचे डोस देण्यात आले आहेत. भारतातील कोविड संख्या 19 डिसेंबर 2020 रोजी एक कोटीचा टप्पा ओलांडला होता. यावर्षी 25 जानेवारी रोजी भारतातील कोरोना रुग्णसंख्या चार कोटींच्या पुढे गेली आहे.?
