केंद्र सरकारकडून महत्त्वाची घोषणा

नवी दिल्ली : सध्या देशात सर्वांचेच लक्ष लसीकरणाच्या कार्यक्रमाकडे आहे. लसीकरण हाच कोरोनाचा प्रादुर्भाव रोखण्याचा एकमेव मार्ग आहे. या विषाणूमुळे जगभरात आतापर्यंत कोटयवधी लोकांनी आपले प्राण गमावले आहेत. लॉकडाउन हा या आजाराचा फैलाव रोखण्याचा एक मार्ग आहे. भारतात या लॉकडाउनमुळे आतापर्यंत मोठे नुकसान झाले आहे. जिवीतहानी बरोबर आर्थिक हानी देखील मोठी झाली आहे. कोटयवधी लोकांचे रोजगार बुडाले. त्यामुळे सर्वांचेच लक्ष लसीकरणाकडे लागलेले असताना सरकारने एक महत्त्वाची घोषणा केली आहे.

सरकारने कोव्हिशिल्ड आणि स्वदेशी कोव्हॅक्सिन या दोन कोरोना प्रतिबंधक लसींना आपत्कालीन मर्यादीत वापर करण्यास मान्यता दिली आहे. केंद्र सरकारने आज याबाबत महत्त्वाची घोषणा केली. देशात येत्या १६ जानेवारीपासून कोरोना प्रतिबंधक लसीकरणास सुरुवात होणार आहे.

लसीकरणात आरोग्य क्षेत्रातील कर्मचारी आणि कोरोना योद्धयांना पहिले प्राधान्य दिले जाणार आहे. पहिल्या टप्प्यात तीन कोटी नागरिकांच्या लसीकरणाची योजना आहे. त्यानंतर ५० वर्षावरील व्यक्ती आणि व्याधींची पार्श्वभूमी (को मॉर्बिडिटीज) असणारे ५० पेक्षा कमी वयाच्या लोकांना लसीचे डोस दिले जातील.

- Advertisement -

प्रतिक्रिया द्या

कृपया आपली टिप्पणी द्या!
कृपया येथे आपले नाव प्रविष्ट करा