पुणे : ससून रुग्णालयात प्लाझ्मा थेरपीची पहिली मानवी चाचणी यशस्वी झाली. त्यामुळे गंभीर अवस्थेतील एक रुग्ण कोरोनामुक्त झाला आहे. या रुग्णाला उच्च रक्तदाब, अतिस्थूलपणा व हायपोथायरॉइडिझम हे आजारही होते. त्यामुळे ही थेरपी कोरोनाबाधित रुग्णांसाठी वरदान ठरण्याची शक्यता आहे. रुग्णालयाने दुसर्‍या रुग्णावर ही थेरपी सुरू केल्याची माहिती अधिष्ठाता डॉ. मुरलीधर तांबे यांनी दिली.

भारतीय वैद्यकीय संशोधन परिषदेने (आयसीएमआर) काही दिवसांपूर्वी रुग्णालयाला प्लाझ्मा थेरपीच्या चाचणीसाठी मान्यता दिली आहे. सर्व प्रक्रिया पूर्ण केल्यानंतर 15 दिवसांपूर्वी दोन कोरोनामुक्त रुग्णांच्या रक्तातील प्लाझ्मा काढण्यात आले होते. हा प्लाझ्मा 10 व 11 मे रोजी प्रतिदिन 200 एमएल या प्रमाणात एका बाधित रुग्णाला देण्यात आले. या रुग्णाला उच्चरक्तदाब, हायपोथायरॉइडिझम व अतिस्थूलपणा हे आजार असल्याने त्याची प्रकृती गंभीर होती. प्लाझ्मा थेरपी सुरू झाल्यानंतर त्याच्या प्रकृतीत सुधारणा होत गेली. पंधराव्या दिवशी तपासणीत या रुग्णाचे दोन्ही अहवाल निगेटिव्ह आले, असेही यावेळी डॉ. तांबे?यांनी सांगितले.

- Advertisement -

प्रतिक्रिया द्या

कृपया आपली टिप्पणी द्या!
कृपया येथे आपले नाव प्रविष्ट करा