मुंबई : रिझर्व्ह बँकेने मायकेल पात्रा यांची नवे डेप्युटी गव्हर्नर म्हणून नियुक्ती केली. सध्या पतधोरण समितीचे सदस्य असलेले पात्रा विरल आचार्य यांची जागा घेतील.विद्यमान डेप्युटी गव्हर्नर विरल आचार्य यांनी राजीनामा दिला असून येत्या २३ जुलै रोजी आचार्य यांच्या जागी मायकेल पात्रा पदभार स्वीकारतील. ते पुढील तीन वर्षे डेप्युटी गव्हर्नरपदी राहतील. रिझर्व्ह बँकेत विविध विभागात तब्बल ३५ वर्षे काम करण्याचा मायकेल पात्रा यांना अनुभव आहे.

मायकेल पात्रा रिझर्व्ह बँकेच्या पतधोरण समितीचे सदस्य आहेत. विकासाला चालना देण्यासाठी पतधोरणात व्याजदर कपातीचे पात्रा यांनी समर्थन केले.आयआयटी मुंबईमधून अर्थशास्त्रात पीएचडी मिळविलेले पात्रा हे २००५ पासून रिझर्व्ह बँकेच्या पतधोरण विभागात काम करत आहेत. आंतररराष्ट्रीय पातळीवरील वित्त, पैसा आणि धोरणे याविषयी आर्थिक विश्लेषण आणि धोरणे विभागाचे ते सल्लागार राहिले आहेत. १९८५ मध्ये ते रिझर्व्ह बँकेत रुजू झाले. त्यांनी हावर्ड विद्यापीठात आर्थिक स्थैर्य या विषयावर संशोधनात्मक लिखाण केले.

- Advertisement -

प्रतिक्रिया द्या

कृपया आपली टिप्पणी द्या!
कृपया येथे आपले नाव प्रविष्ट करा