मुंबई : खासगी क्षेत्रातील ऍक्सिस बँकेला तब्बल १५ हजार कर्मचाऱ्यांनी रामराम ठोकला. मागील काही महिन्यांत राजीनामा देणाऱ्यांची संख्या वाढत असून त्यात वरिष्ठ पातळीवरील अधिकाऱ्यांचा समावेश आहे. नवीन व्यवस्थापन, कार्यपद्धती आणि कामाचा व्याप वाढल्याने बहुतांश कर्मचाऱ्यांनी नोकरी सोडण्याचा निर्णय घेतला.

ग्राहकांशी थेट संबंध येणाऱ्या सेवांमधील हजारो कर्मचाऱ्यांनी मागील काही महिन्यात राजीनामा देणार असल्याची माहिती सूत्रांनी दिली. बँकेने कार्यपद्धतीत आमूलाग्र बदल केला आहे. नव्या पध्द्तीशी जुळवून घेण्यात अपयशी ठरलेले अधिकारी आणि कर्मचाऱ्यांनी राजीनामा देणे पसंत केले. सध्याचे ‘वर्क कल्चर’ जुन्या जाणत्या कर्मचाऱ्यांसाठी अवघड बनले आहे. यामुळे बऱ्याच कालावधीपासून बँकेत काम करणारे कर्मचारी राजीनामा देत असल्याचे एका वरिष्ठ अधिकाऱ्याने सांगितले.

ऑटोमेशन आणि आर्टिफिशिअल इंटेलिजन्स यासारखे नवे तंत्रज्ञान स्वीकारण्यास जुने कर्मचारी अपयशी ठरल्याने राजीनाम्याचे प्रमाण अधिक आहे. ही संख्या गेल्या वर्षाच्या तुलनेत यंदा कर्मचारी सोडून जाण्याचे प्रमाण १९ टक्क्यांवर गेले. गेल्या वर्षी ते १५ टक्के होते. नुकताच बँकेचे मुख्य वित्तीय अधिकारी जयराम श्रीधरन यांनी राजीनामा दिला होता. बॉण्ड ट्रेडिंगचे प्रमुख शशिकांत राठी, जेपी सिंग, सिरील आनंद यांनी निवृत्तीचा निर्णय घेतला होता. ऍक्सिस बँकेकडून नवीन कर्मचारी भरती होत आहे.बँकेने चालू वर्षात २८ हजार कर्मचाऱ्यांची नियुक्ती केली.आणखी चार हजार कर्मचारी भरती केली जाणार आहेत. ऍक्सिस बँकेत ७२ हजार मनुष्यबळ आहे. त्यापैकी गेल्या आर्थिक वर्षात ११ हजार ५०० कर्मचाऱ्यांनी राजीनामा दिला होता.

- Advertisement -

प्रतिक्रिया द्या

कृपया आपली टिप्पणी द्या!
कृपया येथे आपले नाव प्रविष्ट करा