वॉशिंग्टन : अ‍ॅमेझॉन खोर्‍यातील जंगलाला लागलेल्या भीषण आगीचा परिणाम जंगलापासून दोन हजार किलोमीटर दूर असलेल्या अमेरिकेच्या एंडिज पर्वतरांगेतील हिमनगांवर होत आहे. या धुरातील काळ्या कार्बनमुळे येथील हिमनग वेगाने विरघळत असल्याची बाब एका संशोधनातून उघड झाली आहे.

अ‍ॅमेझॉनमधील जंगलाला काही महिन्यांपूर्वी मोठ्या प्रमाणावर आग लागली होती. यामध्ये निसर्गाचे मोठ्या प्रमाणावर नुकसान झाले असून, आगीचा परिणाम हजारो किलोमीटरवरील हिमनगांवरही पाहायला मिळत आहेत. एंडिज पर्वतरांगेतील बर्फामध्ये अ‍ॅमेझॉन खोर्‍यातील आगीतून निर्माण झालेले धूलिकण आढळत असून, यामुळे हिमनग विरघळण्याचे प्रमाण वाढत आहे. ब्राझिल विद्यापीठाच्या तज्ज्ञांच्या गटाने सन २००० ते २००६ दरम्यान घडलेल्या आगीच्या घटना, धुराची स्थिती आणि पाऊस व हिमनगांची विरघळण्याची गती याचा अभ्यास करून आकडेवारी जमा केली आहे. यामधून समोर आलेल्या माहितीनुसार, फक्त आगीतून निघणार्‍या काळ्या कार्बनमुळे हिमनग विरघळण्याचे प्रमाण ३ ते ४ टक्क्यांपर्यंत आहे; तसेच धूलिकण आणि आगीतून तयार होणारे काळे कार्बन एकत्र आल्याने याचे प्रमाण ६ टक्क्यांपर्यंत गेले आहे. तज्ज्ञांच्या मते एंडिज पर्वतरांगेतील हिमनगांमध्ये सापडणार्‍या धूलिकणांवर, आगीचा हिमनगांवर किती परिणाम झाला आहे, हे लक्षात येईल.

ऑस्ट्रेलियामधील बदलत्या हवामानाच्या विरोधात शुक्रवारी हजारो पर्यावरणप्रेमींनी कंजरवेटीव लिबरल पार्टीच्या कार्यालयासमोर आंदोलन केले. गेल्या काही दिवसांपासून ऑस्ट्रेलियामधील जंगलांना लागलेल्या आगीमुळे सिडनीवर धुराचे साम्राज्य पसरले आहे. या घटनेचा निषेध करण्यासाठी हजारो नागरिक एकत्र आले होते.

- Advertisement -

प्रतिक्रिया द्या

कृपया आपली टिप्पणी द्या!
कृपया येथे आपले नाव प्रविष्ट करा